روسیا ناتوانێت ئه‌زمونی كۆماری مه‌هاباد دووباره‌ بكاته‌وه‌

‌ هه‌ندرێن شێخ راغب

 به‌ڵام روسیا ده‌زانێت ئێستا زه‌مه‌ن گۆڕاوه‌و زه‌مانی زوو نیه‌، چونكه‌ ئه‌گه‌ر ئه‌ویش پشت له‌كورد بكات، بنكه‌‌و چه‌ك‌و چۆڵ‌و سه‌ربازی ئه‌مریكی‌و فه‌ره‌نسی له‌ رۆژئاوای كوردستانن‌و له‌سه‌ر به‌رگی سه‌ربازیان ئاڕمی یه‌په‌گه‌یان داناوه‌. راسته‌ ده‌بێت مه‌ترسیمان له‌سه‌ردانه‌كه‌ی ئه‌ردۆغان هه‌بێت، به‌تایبه‌ت كاتێك گوتی به‌ره‌یه‌كی روسی‌و ئێرانی‌و توركی دروست ده‌كه‌ین سه‌باره‌ت به‌ كێشه‌ی سوریا. 

كورد ده‌بێت له‌م قسه‌یه‌ بپێچێته‌وه‌‌و به‌هه‌ند وه‌ریبگرێت. هه‌رچه‌نده‌ من ره‌ش بین نیم، چونكه‌ مۆڕاڵی كوردانی رۆژئاوا له‌بواری ئه‌زمون‌و خه‌بات‌و ئازایه‌تیان دیاره‌‌و پێویست به‌ وه‌سف ناكات، دواتر زه‌مانیش هه‌مان زه‌مانی كۆماری مه‌هاباد نیه‌، ئێستا به‌رژه‌وه‌ندی‌و هاوكێشه‌‌و بابه‌تی ستراتیژی دیكه‌ له‌ناوچه‌كه‌ زۆرن، كه‌ رۆژئاوای كوردستان باش ده‌توانێت یاریان له‌گه‌ڵ‌ بكات. روسیا‌و توركیا ده‌توانن كێشه‌ بۆ رۆژئاوای كوردستان دروست بكه‌ن، به‌ڵام ناتوانن ئه‌زمونه‌كه‌ی له‌ناوبه‌رن. كه‌ بۆچونم وایه‌ له‌مباره‌یه‌وه‌ روسیا زۆر ناچێته‌ ژێربار. 

چونكه‌ ده‌زانێت توركیا ئه‌ندامه‌كه‌ی ناتۆ‌و هاوپه‌یمانه‌كه‌ی ئه‌مریكایه‌‌و داخی زۆری كردۆته‌ دڵی روسه‌كان له‌ روی جوگرافیای سیاسییه‌وه‌. ئه‌وه‌ی مه‌به‌ستمه‌ بیڵێم ئه‌وه‌یه‌ له‌یه‌ك نزیك بونه‌وه‌ی ده‌وڵه‌ته‌ هه‌رێمیه‌كان له‌گه‌ڵ‌ یه‌كتر‌و دواتر له‌گه‌ڵ‌ زلهێزه‌كان بۆ كورد هه‌ستیاره‌‌و نابێت كه‌مته‌رخه‌م بین، ده‌بێت ورد خوێندنه‌وه‌یان بۆ بكه‌ین‌و ئاگاداری په‌یمانی نوێی لۆزان‌و دووباره‌بونه‌وه‌ی ئه‌زمونی كۆماره‌كه‌ی مه‌هاباد بین.