‌موشەکبارانەکەی هەولێر و پیلانی دژە هەرێم
PM:03:11:16/02/2021
مەلا بەختیار

دوای دەرچونی بایدن، هیوایەک بۆ چارەسەری سیاسی لە ناوچەکەدا، بە یٔاسۆی سیاسیدا دیارە، بەڵام دۆخی عێراق، هێشتا بەپێی پیلانی سەردەمی ترامپ یٔاراستە دەکرێ. هێزە پیلانگێڕەکانیش، هەر یٔەوانەن کە خۆپیشاندەران لە بەغدادو بەسرە و سەماوە دەفڕێنن... سەرنگون و تیرۆریان دەکەن.

یٔەم پیلانگێڕانە، گوایە یٔامانجیان تێکشکاندنی یٔەمریکایە. یٔەمە ڕواڵەتی روداوەکانە. ناوەخنەکەی ستراتیژی تایفەگەری ترسناکە. یٔەقڵیەتی تایفەگەری.. شیعە یان سوننە، جیاوازیان نیە. تیرۆرستانی سوننە، لە پێش و پاش روخانی سەدام، تاوان و یٔامانجەکانیان دیار بوو. هی یٔەم رەوتە تایفەگەرییە شیعەگەرایەش، زەق زەقە!


تیرۆریستە سونیگەراکان لە سوننەی سیاسی جیاکرانەوە. شەڕی داعش پاساوێکی بەهێز بوو، رەوتێکی شیعەی چەکدار، پێچەوانەی سیاسەتی زۆربەی هێزە شیعەکانی عێراق، کە لەناو پرۆسەی سیاسیی یٔاسایی وڵاتەکەن، تەنها بازوی هێزی چەکدار بەکاربهێنن و هەتا یٔەشتوانن یٔاژاوە بگێڕن. یٔەم رەوتە یٔیستا کەمتر شەڕی داعش دەکەن، زۆرتر خەریکی بەرنامەی دوای داعشن!


هەرێمی کوردستان، لەناو بازنەی پیلانی یٔەم هێزە تایفەگەراییەدایە، هەتا بە دەردی کەرکوک و خانەقین و شنگالی بەرن. بەڵگەشمان یٔەوەیە، مادەی (140) کە جێ بەجێ ناکرێ... یٔامانجی سیاسی-عەسکەری ترسناک هاندەری یٔەم جێبەنەکردنەی مادە بنەڕەتیە دەستوریەیە. لەم چەند مانگەی دواییشدا کە نەک بودجە، بەڵکو موچەش خراوەتە قوڕگی تایفەگەریەوە، یٔەمیش بەشێکە لەو پیلانەگێڕییەی دژی کوردستان لەیٔارادایە. لە کاتێکدا وەفدی کوردستان لە بەغدادە و هێزە شیعەکان هادی عامریان داناوە بۆ جۆرێک لە چارەسەری مامناوەنجی، کەچی لەم لاوە، پایتەختی کوردستان دەدرێتە بەر موشەک باران. یٔەمەش یٔەوە دەگەیەنێ رەوتی تێکدەری بەشێکی چەکداری شیعە، رێکەوتنی قبوڵ نییە!!


تەوقیتی یٔەم کارانە، رێکەوت نییە. سیناریۆی تریشی بەدواوەیەو هەمووی مەترسین لەسەر هەرێمی کوردستان. هەروەکو چۆن مەترسیشن لەسەر خەباتی مەدەنی عێراق.


لام وایە کاتێتی، هێزە کوردستانیەکان، بەرنامەی سیاسی نەزۆکی ساڵی پار وەلا بنێین و دوور لە ڤیتۆی سیاسی نەگوجاو لەبەردەم پرۆسەی چارەسەری سیاسی ناوخۆ، هێزەکان و سەرکردەکان، بڕیاری بەرپرسیارانە بدەن بۆ کۆتایی هێنان بە سیاسەتی لێکترازان.. بەرەو سازان. یٔەگینا یٔەم کاتە کەمەی لەبەردەمیشدا ماوە، لەدەست دەچێ. یٔەوکاتە کاڵەکیش دەستناکەوێت بە یٔەژنۆی سیاسیماندا بیانکێشین!


هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی



Copyright 2018. westganews.net. All Rights Reserved.