خۆمان درۆ نەقاڕ دەکەین
بەهێز حوسێن
حکومەتی هەرێم ئەوەندەی پەشمەک فرۆشێک سیاسەتی ئابووری نییە و یەک و دوو لەیەک جیاناکاتەوە ، یان ماسەکەی پڕ لە مووە ، ئاخر جوولەکە دەڵێت لە فرۆشتنی وشکەکە پارەی گونییەکەم بەسە ، مریشک فرۆشەکانی ئەمڕۆ قازانج تەنها لە سەربڕین و پەرتکردنی مریشکەکە بەدەستدەهێنن ، مەعقوولە حکومەتی هەرێم کە نەوت فرۆشە هەر لە زەردابێت !؟
نەوت گەیشتە سەر 15$ حجومەتی هەرێم 650 هەزار بەرمیلی ڕۆژانە دەفرۆشت ، لەکاتێکدا نرخی یەک بەرمیل نەوتی سپی (یەکێک لە بەرهەمەکانی پەترۆل ) 120 هتزار دیناربوو ، بەڵام حکومەت بەم هەموو خەبیر و موستەشارەوە نەک هەر نەیتوانی سوود لەم داهاتە لە ناوخۆدا ببینێت بەڵکو قەیرانی نەوتی سپی هەبوو ، باسی بەنزین و گازی شل هەر ناکەم .
حکومەتی ئێمە بە زەرەر و قەرزارباری ڕاهاتووە ، ئەگەر نا وەک کابرا وتی ئەم هەموو تەڕاییە بدەیتە دەست قالە شێت باشتر تەوزیعی دەکات.
ئەمڕۆ نرخی نەوت چووە سەرو 43$ و بڕیارە لە سایەی ڕێکارەکانی ئۆپیک+ لە مانگی تەمووز نرخی نەوت بگاتە 70$ ،حکومەتی هەرێمی گیرخواردوو بڕیاری کەمکردنەوەی مووچەی فەرمانبەرانی داوە لە کاتێکدا نرخی نەوت بەرز دەبێتەوە ، ئەگەر قالە شێتیش بێت وا دەکات؟
ئەوەی زۆر بەلامەوە سەیرە ئەوەیە کە حکومەت بۆ ئەوەی کێشی دابەزێنێت لە بری ئەوەی خواردنی شیرین و چەور کەم بکاتەوە دێت و وەرزش کەم دەکاتەوە ، گوایە دەیەوێت بۆ چارەسەری قەیرانی مووچە پارە لە مووچەخۆران خۆیان بببڕێت .
کەواتە ئەوەی هەیە حکومەت ڕاستگۆ نییە لە چارەسەری قەیرانی دارایی و مووچە ،بەڵکو هاتووە و درۆمان بۆ دەکات ، نازانێت خۆمان درۆ نەقاڕ دەکەین و مەسەلەکە داهاتی شەخسی و بنەماڵەیی و شەخسی خۆیانە نەک مووچەخۆران.
PM:11:55:22/06/2020
ئه‌م بابه‌ته 2492
جار خوێنراوه‌ته‌وه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی