‌كۆمپانیاكانی پەیوەندى لەم كاتەدا چیان پێدەكرێت ؟
PM:03:43:17/03/2020
به‌ناز حمه‌ڕشید

هەرێمى كوردستان وەك هەرناوچەیەكیترى ئەم سەر ڕووى زەمینە بێبەش نیە لە ڤایرۆسى كۆرۆنا و ڕووبەڕووبونەوەى ، بۆیە بەهەمو شێوەیەك لایەنەبەرپرسەكان و هاولآتیان لە هەوڵى ڕووبەڕووبونەوەدان و هەمو ڕێگاكانى خۆپاراستن لێى گیراوەتەبەر.

لەم كاتەدا هاولآتى بەبارێكى ناهەمواردا تێدەپەڕێت سەرەڕاى نەبونى موچەو وەستانى هەموكاروكاسبیەك كە ئەمە كارى كردۆتەسەر بژێوى ژیانى هاولآتى ، لەبەرامبەریشدا خەرجی و دابینكردنى پێداویستییەكانى ڕۆژانەى تاك وەكو خۆیەتى، لەهەمانكاتیشدا بەهۆى قەدەغەكردنى هاتوچۆى هاولآتیان بۆلاى یەكدى وخۆپاراستن لەم نەخۆشیە، كە بێگومان لەبەرژەوەندى هاولآتى خۆیدایە ئەوەى كە هەیە  لەئێستادا جگە لە پشتبەستن بە هۆكانى ڕاگەیاندن بۆ بەئاگابوون لە هەواڵ و زانیارییەكان.

لەلایەكى ترەوە پشتبەستنە بە بەكارهێنانى ئینتەرنێت بۆ تۆرەكۆمەلآیەتییەكان بۆ بەسەربردن و پركردنەوەى كاتەكان جائیتر بەكارهێنانى بۆلایەنى تەنزو خۆشى بێت یان بۆ بەدەستهێنانى هەر هەواڵێك بێت ، یاخود لەڕووى پەیوەندیكردنەوەبێت بە بەكارهێنانى هێڵى پەیوەندى كۆمپانیاكانى پەیوەندیكردنەوە بۆ هەواڵپرسینى خزم و دۆست و هاوڕێیان لەیەكتر ، بەلآم ئەوەى گرنگە لێرەدا بۆ ئەم بارودۆخە ڕەچاوكردنى باروگوزەرانى هاولآتیانە لە  نرخى یەكەى ئینتەرنێت و نرخى كارتى پڕكردنەوەى پەیوەنیككردن كە وەك دەیبینین وەكو خۆیەتى و ئەمبارودۆخە ڕەچاونەكراوە بۆ هاولآتیان.


هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی



Copyright 2018. westganews.net. All Rights Reserved.