‌بێ چاکسازی ریشەیی لە کۆڵتان نابینەوە!
PM:04:15:15/06/2019
هوشیار عه‌بدوڵا

ئێوە کە خۆتان دەڵێن دەبێ کێشەی نەوت بە یاسا و دەستور چارەسەر بکرێ ئێمەش هەر وامان گوتوە تاکە فەرقی قسەکانمان یەک شتە ، ئێمە دەڵێین بەشیوەیەک کە دەبێت داهاتەکەی لەبەرژەوەندی خەڵکدا بێت ئێوە لەم قسەیە بێتاقەتن چونکە خۆشتان دەزانن لە خۆتان و ئەجێندا مەترسیدارەکانتان زیاتر داهاتی نەوتتان نەخستۆتە خزمەتی هیچ شتێک!

بە دیدی ئێمە شەفافیەت و رونکاری لە مەلەفی نەوتی هەرێمی کوردستان و گێرانەوەی داهاتەکەی بۆ خەڵک و دەرهێنانی لە دەستی مافیاکانی حزب ئەرکێکی نیشتیمانیی باڵایە و هەرگیز پاشەکشەی لێناکەین.

ئەگەر دەتانەوێت هەرێم بەهێز بێت ، ئەگەر دڵسۆزی نیشتیمانن، ئەگەر پەرۆشی هاونیشتیمانیانن،ئەگەر خەمی موچەی خەڵکتانە،ئەگەر ناتانەوێت بێ موچەیی روبکاتەوە خەڵک نەوتەکە رادەست بکەن ، یاسای موازەنەی ۲٠۱۹ جێبەجێبکەن ، یا بڵێن ئەوە داهاتەکەیەتی ، یا ئەو پارەیەی بۆ موچە دێت دابەشی بکەن و دیزە بە دەرخۆنەی مەکەن ، چونکە لەو هەمو گەندەڵیی و تاڵانیە بێدەنگ نابین .

باش بزانن و تێبگەن لە بواری مەلەفی نەوت و موچەی فەرمانبەران چاکسازی ریشەییمان دەوێت و چیتر نامانەوێ لە پێناوی گیرفانی چەند کەس و گروپێک کە داهاتی نەوتی بۆ دەروات گەلەکەمان،نیشتیمانەکەمان،هەرێمەکەمان باجەکەی بدات .

چاکسازی بکەن لە تۆمەتدروستکردن باشترە،دەست لە تاڵانی نەوت هەڵگرن لە تەخوینی ئێمە باشترە، چونکە هیچ خیانەتێک ناگاتە ئەوەی داهاتی ولاتەکەی خۆت ببەیت،موچەی خەڵک ببەیت ، بە سیستمی پاشەکەوت پارەی هەزاران فەرمانبەری بێچارە ببەیت و پێشت شەرم نەبێت باسی نیشتیمانپەروەری و دڵسۆزی بکەیت .

ئەوەی دەمانەوێت چاکسازیە و بەس، بیکەن چاکە و خێر و بەرژەوەندی خۆتان و وڵات و خەڵکی تێدایە خۆتانی لێبدزنەوە دڵنیابن لەکۆڵتان نابینەوە .

هۆشیار عەبدوڵا
بەغداد
۱٥ی حوزەیرانی ۲٠۱۹

تێبینی ؛ پێویست ناکات پەیجی ساختە دروست بکەن ، قسەکانمان بشێوێنن.. ئەوەی خوارەوە دەقی قسەکانمانە دەربارەی مەلەفی نەوت و سەردانمان بۆ مەحکەمەی ئیتیحادی! چیمان گوتوە کە لەبەرژەوەندەی خەڵک و خاکی خۆماندا نەبێت؟!





هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی



Copyright 2018. westganews.net. All Rights Reserved.