پرسی ئەمڕۆ
مەم بورهان قانع
ئەمڕۆ یەكەمین كۆبونەوەی سەرۆكایەتیی ئەنجومەنی وەزیرانی هەرێم بەرێوەدەچێت و ئەوەی زانراوە، لە یەكێك لە تەوەرەكانی ئەم كۆبونەوەیەدا، هەر وەزیرێك كورتەیەك دەربارەی چوار ساڵی داهاتوی وەزارەتەكەی دەخاتەڕو، لەگەڵ باسكردن لە كێشە هەڵپەسێردراوەكانی نێوان هەرێم و بەغداد.
ئەوەی دەبێت ئەولەوییەتی ئەم كابینەیەی حكومەتی هەرێم بێت، دانەوەی پاشەكەوتی موچەی موچەخۆرانی هەرێمی كوردستانە و دەبێت ئەم كابینە حكومەتییە، میراتگری سیاسەتی بەرێوەبردن و حكومڕانیی كابینەكەی پێشو بێت و خۆی لەم بەرپرسیارێتییە دارایی و كارگێڕیی و حكومڕانییە نەدزێتەوە و بەرپرسیارێتیی كۆی وەزیرەكانیشە لەمبارەیەوە كۆدەنگ بن و بێدەنگیش نەبن.
هەر لەسەر ئەم پرسە، بەرپرسیارێتیی پیشەیی و یاسایی و ئەخلاقیی پەرلەمانتارانی كوردستانە، یەكدەنگ بن بۆ دروستكردنی فشار لەسەر حكومەت و دانەوەی پاشەكەوتی موچەی موچەخۆرانی هەرێمی كوردستان.
مەم بورهان قانع
ئەندامی پەرلەمانی كوردستان
PM:12:31:15/07/2019
ئهم بابهته 2144
جار خوێنراوهتهوه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی