ئەمریکا بۆ پەرەپێدانی کێڵگەکانی نەوت و غاز هاوکاری عێراق دەکات
وێستگەنیوز-
دوای ئەوەی دوێنێ چوارشەممە قۆناغی سێیەمی گفتوگۆی ستراتیژی نێوان ئەمریکا و عێراق بەڕێوەچوو و هەردوولا جەختیان لەهەماهەنگی لەسەرجەم بوارەکان کردەوە، لەسەر داوکاری حکومەتی فیدڕاڵ بڕیارە ویلایەتە یەکگرتووەکانی ئەمریکا بۆ پەرەپێدانی کێڵگەکانی نەوت و غاز هاوکاری بەغدا بکات.
فوئاد حسێن، وەزیری دەرەوەی عێراق لەراگەیەنراوێکدا باسی لەوەشکردوە، بەغدا و واشنتن لەبوارەکانی ئاسایش، وزە، تەندروستی، ژینگە، ئابوری، ڕۆشنبیری و پەروەردە هاوکار و هەماهەنگ دەبن و "هیوادارین لە هەمو بوارەکاندا بگەینە لێکتێگەیشتن و ڕێککەوتنی هاوبەش".
ئاماژەی بەوەشكرد، پرسی وەبەرهێنان لە کەرتە جیاجیاکاندا بەگرنگیەوە باسی لێکراوە و داوایانکردوە ئەمریکا هاوبەشی زیاتر لەسەرجەم بوارەکاندا بکات، بەتایبەتی پرسی ڕێککەوتن لەسەر پەرەپێدانی کێڵگەکانی نەوت و غاز، کەهاوکار دەبێت لەوەی بەغدا وزەی پێویست لەناوخۆدا دابین بکات.
PM:11:37:08/04/2021
ئه‌م بابه‌ته 1208
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت