په‌رله‌مانتارێك: رێگه ناده‌ین به‌غدا قه‌رز بكات و پاره‌كه‌ش بۆ هه‌رێم بنێرێت
وێستگه نیوزـ
زۆربه‌ی په‌رله‌مانتارانی عیراق ده‌ڵێن كه رێگه‌ناده‌ن حكومه‌تی مسته‌فا كازمی جارێكی دیكه به بیانوی موچه قه‌رز بكات و پاشان پاره بۆ هه‌رێمی كوردستان بنینرێت.
مه‌نسور بعێجی، په‌رله‌مانتارای عیراق له به‌یاننامه‌یه‌كدا رایگه‌یاندوه كه وه‌زاره‌تی دارایی عیراق و لایه‌نه په‌یوه‌ندیداره‌كان شه‌و و رۆژ هاواریان ده‌كرد كه مه‌به‌ستیان له قه‌رزكردن، دابینكردنی موچه‌ی فه‌رمانبه‌رانه و ده‌شیانوت كه موچه‌ی سێ مانگی داهاتویان زامن كردوه و وتی "به‌ڵام سه‌رسام بوین به‌وه‌ی حكومه‌ت داوایه‌كی دیكه‌ی پێشكه‌ش كردوه و ده‌یه‌وێت قه‌رز بكات."
بعێجی وتی "زۆربه‌ی په‌رله‌مانتاران قایل نین به‌وه‌ی ئه‌مجاره‌ش حكومه‌ت به‌ناوی موچه‌ی فه‌رمانبه‌رانه‌وه قه‌رز بكات و به‌بێ هیچ قه‌ید و شه‌رتێك له‌وسه‌ره‌وه پاره‌كه بۆ هه‌رێمی كوردستان بنێرێت".
په‌رله‌مانتاره‌كه‌ی عیراق ده‌ڵێت "هیچ گونجاو نیه موچه‌ی فه‌رمانبه‌رانی عیراق 45 رۆژ دوابه‌وێت و حكومه‌تیش پاره‌كه ره‌وانه‌ی هه‌رێم بكات، ده‌بێت حكومه‌ت یاسا و ده‌ستور به‌بێ جیاوازی جێبه‌جێ بكات و له‌سه‌ر حسابی پارێزگاكانی دیكه‌ی عیراق، موجامه‌له‌ی هه‌رێمی كوردستان نه‌كات".
PM:08:29:23/10/2020
ئه‌م بابه‌ته 4744
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت