حكومەتی هەرێم: دەستدرێژی بۆ سەر سیمبوڵەكانی كوردستان جێی قبوڵ نییە


وێستگە نیوز-

حكومەتی هەرێمی كوردستان لەسەر سوتانی بارەگای لقی 5ی پارتی و ئاڵای كوردستان لەشاری بەغدا رایدەگەیەنێت، هەر جۆرە هێرش و دەستدرێژییەك لە لایەن هەر كەس و گرووپێكەوە بۆ سەر سیمبۆلەكانی هەرێمی كوردستان و حزبە سیاسییەكانی جێگەی قبووڵكردن نییە. 

حكومەتی هەرێمی كوردستان سوتانی بارەگای لقی 5ی پارتی و ئاڵای كوردستان لەشاری بەغدا شەرمەزار دەكات و رایگەیاندووە، هەر جۆرە هێرش و دەستدرێژییەك لە لایەن هەر كەس و گرووپێكەوە بۆ سەر سیمبۆلەكانی هەرێمی كوردستان و حزبە سیاسییەكانی جێگەی قبووڵكردن نییە.

حكومەتی هەرێم دەڵێت، پێویستە حكومەتی فیدراڵ رێوشوێنی پێویست بۆ پاراستنی بارەگای حزبەكان و نوێنەرایەتیی وڵاتانی بیانی لە بەغدا وهەر شارێكی دیكە لە هێرشی هەر گرووپێكی لە یاسا دەرچوو بگرێتەبەر.

هەروەها ئاماژەی بەوەكردووە، كە حكومەتی هەرێم بە مافی خۆی دەزانێت هەموو رێوشوێنێكی یاسایی و رێگەپێدراو بۆ پاراستنی هاووڵاتییان و دەستكەوتەكانی و ڕێزگرتن لە ئاڵای كوردستان بگرێتەبەر، داواش لە حكومەتی فیدراڵ دەكەن رێوشوێنی یاسایی بگرێتەبەر  و هێرشكاران بە سزای خۆیان بگەیەنن تا ئەم جۆرە كردەوە دزێوانە دووبارە نەبنەوە.




PM:04:18:17/10/2020


ئه‌م بابه‌ته 724 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت