به‌غدا..سه‌ركرده‌یه‌كی دیاری داعش و سێ له یاریده‌رده‌ره‌كانی ده‌ستگیر كران
وێستگه نیوزـ
ده‌زگای هه‌واڵگریی عیراق سه‌ركرده‌یه‌كی دیاری رێكخراوی داعش و سی له یاریده‌ده‌ره‌كانیشی له ناوچه جیاجیاكانی به‌غدا ده‌ستگیر كرد.
ده‌زگای هه‌واڵگریی عیراق له به‌یاننامه‌یه‌كدا رایگه‌یاند كه به‌پێی زانیاریی وردی هه‌واڵگری، مه‌فره‌زه‌كانیان به‌رپرسی "نوسینگه‌ی زه‌كات"ی رێكخراوی داعشیان له ولایه‌تی فورات-ی سه‌ربه رێكخراوه‌كه ده‌ستگیر كردوه.
له‌گه‌ڵ ده‌ستگیركردنی ئه‌و سه‌ركرده دیاره‌ی داعش، سیان له یاریده‌ده‌ره‌كانیشی ده‌ستگیر كراون، له به‌یاننامه‌كه‌دا باس له‌وه‌ش كراوه كه سه‌رجه‌م ئه‌و داعشانه له هه‌ردوو گه‌ڕه‌كی دۆره و حه‌ی جامیعه له سنوری شاری به‌غدا كه‌وتونه‌ته ده‌ست هێزه‌كانی هه‌واڵگری.
AM:11:24:17/10/2020
ئه‌م بابه‌ته 1768
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت