پشویه‌كی دیكه‌ له‌ به‌ریتانیا هه‌رای نایه‌وه‌

‌دیمەنێک لە کچانی بەریتانیا لە پشوی بانکەکان کە دوا دووشەممەی مانگی ئاب بەڕێوەدەچێت

وێستگه‌ نیوزـ

له‌ سه‌نته‌ری زۆربه‌ی شاره‌كانی به‌ریتانیا كچان و كوڕان بۆ به‌سه‌ر بردنی پشوی بانكه‌كان رژانه‌وه‌ سه‌ر شه‌قامه‌كان و ئه‌م پشوه‌ش وه‌ك ئه‌وانی دیكه‌ روداوی جیاجیای به‌خۆوه‌ بینی.

پشوی بانكه‌كان له‌ به‌ریتانیا له‌ دوایین دووشه‌ممه‌ی مانگی ئابدا به‌ڕێوه‌ده‌چێت و تیایدا بانكه‌كان داده‌خرێن و كاره‌كانیان راده‌گرن، به‌ڵام له‌ ئێرله‌ندا پێچه‌وانه‌یه‌ و ئه‌و پشوه‌ ده‌كه‌وێته‌ یه‌كه‌م دووشه‌ممه‌ی مانگی ئابه‌وه‌.

هه‌رچه‌نده‌ پله‌ی گه‌رما له‌ به‌ریتانیا بۆ شه‌ش پله‌ نزم بوه‌ته‌وه‌، به‌ڵام كچان و كوڕانی ئه‌و وڵاته‌ له‌ زۆربه‌ی شاره‌كاندا تا دره‌نگانی شه‌و له‌سه‌ر شه‌قامه‌كان مانه‌وه‌، كچان گوێیان به‌ سه‌رما نه‌دا و به‌ جلی كورت و ته‌نكه‌وه‌ شه‌وه‌كه‌یان بە مەستی به‌سه‌ر برد هەندێکیان لەسەر شەقامەکان رشانەوە و هەندێکی دیکەش پۆلیس بە هانایانەوە هات.

یانه‌ شه‌وانه‌كان له‌و پشوه‌دا كاته‌كه‌یان ته‌واو بوو و ده‌رگاكانیان داخست، به‌ڵام كچان و كوڕان هه‌ر نه‌ڕۆیشتنه‌وه‌ و رویان له‌ باڕه‌كانی سه‌ر شه‌قامه‌كان كرد و گوێشیان به‌ كۆرۆنا و پاراستنی دووریی كۆمه‌ڵایه‌تیی نێوانیان نه‌دا.




PM:10:58:31/08/2020


























































ئه‌م بابه‌ته 10972 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت