وێستگە نیوز-
وەزیری تەندروستی حكومەتی هەرێمی كوردستان رایگەیاند، پێشبینی ئەم دۆخەی كۆرۆنایان دەكرد، بەڵام بەلاڕێدابردنی بوونی كۆرۆنا ئەم دۆخەی دروستكرد.
د.سامان بەرزنجی، وەزیری تەندروستی حكومەتی هەرێم لەكۆنگرەیەكی رۆژنامەوانیدا رایگەیاند، پێشبینی ئەم دۆخەی كۆرۆنایان دەكرد، بەڵام بەلاڕێدابردنی بوونی كۆرۆنا ئەم دۆخەی دروستكرد، ئێستاش هەوڵەكانیان بۆ كەمكردنەوەی تووشبوون و مردنی كۆرۆنایە و بڕیاریان داوە ژمارەی تێستی كۆرۆنا زیاتر بكەن، قەرەوێڵەكانی چاودێری چڕیش سنوردارن.
بەپێی ئاماری ئەمڕۆی وەزارەتی تەندروستی هەرێمی كوردستان لە 24 كاتژمێری رابردوودا 653 كەسی دیكە تووشی كۆرۆنا بوون و 13 كەسیش گیانیان لەدەستداوە.