نهتهوه یهكگرتووهكان ئامادهیی هاوكارییه بۆ گهیشتن به رێككهوتنی نێوان بهغداو ههرێم
وێستگه نیوز ـ
نوێنهری تایبهتی سكرتێری گشتی نهوهیهكگرتووهكان له عیراق ئامادهیی خۆی نیشان دهدات بۆ چارهسهركردن و گهیشتن به رێككهوتنی نێوان حكومهتی عیراق و ههرێمی كوردستان، له پێناو گهیشتن به رێككهوتنی گشتگیر.
ئەمڕۆ سێشەممە 7ی تهمموزی 2020، مەسرور بارزانی سەرۆکی حکومەتی هەرێمی کوردستان پێشوازی لە جێنین هێنیس- پلاسخارت، نوێنەری تایبەتی سکرتێری گشتی نەتەوە یەکگرتووەکان لە عیراق کرد.
لە کۆبوونەوەکەدا گفتوگۆ دەربارەی بارودۆخی عیراق و هەوڵەکانی چارەسەکردنی کێشەکانی نێوان هەرێمی کوردستان و حکومەتی فیدراڵی کرا.
نوێنەری تایبەتی سکرتێری گشتی نەتەوە یەکگرتووەکان لە عیراق ئامادەیی نیشاندا بۆ هاوکاریکردنی حکومەتی هەرێمی کوردستان و حکومەتی فیدراڵی بۆ گەیشتن بە رێککەوتنێکی گشتگیر و بنەڕەتی و درێژخایەن کە جێی رەزامەندی هەردوولا و لە بەرژەوەندی هەموو هاووڵاتییانی عیراقدا بێت.
لای خۆیهوه سهرۆك وهزیرانی ههرێم ئاماژەی بەوەدا کە دانوستانەکانی نێوان هەرێمی کوردستان و حکومەتی فیدراڵی بەردەوامە بە ئامانجی چارەسەکردنی هەموو کێشە هەڵپەسێردراوەکان بۆ گەیشتن بە رێککەوتن لە سەر بنەمای دەستوور.
سەرۆکی حکومەت هەروەها جەختیشی لە گرنگیی کاراکردنەوەی میکانیزمی هەماهەنگی هاوبەشی ئەمنی کردەوە لە نێوان هێزی پێشمەرگە و سوپای عیراق لە ناوچە کوردستانییەکانی دەرەوەی هەرێمی کوردستان.
هــ. ر
PM:03:08:07/07/2020
ئهم بابهته 1732
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت