فرۆكه‌ جه‌نگییه‌كانی‌ توركیا، برادۆست بۆردومان ده‌كه‌ن

‌بەهۆی بۆردومانی فڕۆکە جەنگییەکانی تورکیا لە گوندی هێتۆتە سەر بە ناحیەی دێرەلوک، دوو هاوڵاتی کە کوڕ و باوکن شەهید بوون


وێستگه‌ نیوز-

فرۆكه‌ جه‌نگییه‌كانی‌ سوپای‌ توركیا، پاش نیوه‌رۆی‌ ئه‌مرۆ یه‌كشه‌ممه‌ 31/6/2020 هێرشێكی‌ به‌رفروانیان كرده‌ سه‌ر چیای‌ برادۆست و چه‌ندین بۆمبایان به‌سه‌ر ناوچه‌كه‌ باران.

به‌پێی‌ زانیارییه‌كانی‌ سایتی‌ وێستگه‌ نیوز، بۆردومانه‌كه‌ زه‌ره‌رو زیانێكی‌ زۆری‌ به‌ زه‌وی‌ و زاری‌ ناوچه‌كه‌ گه‌یه‌ندووه‌و گڕو ئاگرو دوكه‌ڵ به‌ناوچه‌كه‌وه‌ دیاره‌.

برادۆست كه‌وتۆته‌ نێوان سنوی‌ هه‌رێمی‌ كوردستان و ئێران و توركیاوه‌.

ئه‌مه‌ له‌كاتێكدایه‌ لە گوندی هێتۆتە سەر بە ناحیەی دێرەلوک دوێنێ‌ شه‌ممه‌ دوو هاوڵاتی کە کوڕ و باوک بوون شەهید بوون و یەکێکی دیکەش بریندار بوو.

لە ماوەی چوار ساڵی رابردوو، 23 کەس بەهۆی بۆردومانی فڕۆكه‌ جه‌نگییه‌كانی توركیاوه‌ لە سنووری قەزای ئامێدی شه‌هید بوون، ئەمە سەرەڕای زیانی ماددی زۆری گوندنشینانی دەڤەرەکە و چۆڵککردنی چەندەها گوند.


PM:04:55:31/05/2020


ئه‌م بابه‌ته 1620 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو