راوێژكارێكی كازمی باس له كێشه‌ی دابینكردنی موچه‌ی مانگی داهاتوو ده‌كات
وێستگه نیوز
راوێژكاری دارایی سه‌رۆك وه‌زیرانی عیراق رایگه‌یاند كه كێشه‌ی حكومه‌ت له دابینكردنی موچه‌ی مانگی حوزه‌یرانی داهاتودایه و هه‌رچۆنێك بێت هه‌وڵی پاراستنی فه‌رمانبه‌ره موچه كه‌مه‌كان ده‌ده‌ن.
موزهر محه‌مه‌د ساڵح، راوێژكاری دارایی مسته‌فا كازمی، سه‌رۆك وه‌زیرانی عیراق رایگه‌یاند كه داهاتی ئه‌م مانگه‌ی حكومه‌ت له دوو ترلیۆن دۆلار كه‌متره و بۆ مووچه‌ی مانگی داهاتوو پێویستمان به پێنج ترلیۆنه.
وتیشی، داهاته‌كانی دیكه‌ی جگه‌له نه‌وت زۆر كه‌مه و مانگانه ته‌نها 100 ملیار دیناره، ده‌شڵێت، حكومه‌ت هه‌رچۆنێك بێت مووچه‌ی مانگی ئایاری دابین كرد و قه‌رزی له سێ بانكی حكومی كرد، به‌ڵام كێشه گه‌وره‌كه بۆ مانگی داهاتووه.
راوێژكاره‌كه‌ی كازمی بۆ مووچه‌ی مانگی حوزه‌یران رایگه‌یاند كه لیژنه‌یه‌ك پێكهاتووه بۆ دابینكردنی مووچه و میكانیزمێك دانراوه بۆ پێداچوونه‌وه به موچه‌ی به‌رزه‌كان و له هه‌مانكاتیشدا ده‌ستكاری نه‌كردنی ئه‌وانه‌ی كه موچه‌یان كه‌مه.
PM:10:15:21/05/2020
ئه‌م بابه‌ته 3032
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت