تره‌مپ هه‌ڕه‌شه‌ له‌ رێكخراوی ته‌ندروستیی جیهان ده‌كاته‌وه‌ و مۆڵه‌تی یه‌ك مانگی پێ ده‌دات


وێستگه‌ نیوزـ

سه‌رۆكی‌ ئه‌مریكا هه‌ڕه‌شه‌ی‌ له‌ رێكخراوی‌ ته‌ندروستی‌ جیهانی‌ كرده‌وه‌ و مۆڵه‌تی‌ یه‌م مانگی پێدا چاكسازیی گه‌وره‌ ئه‌نجام بدات.

دۆناڵد تره‌مپ، سه‌رۆكی‌ ئه‌مریكا له‌ تۆڕی‌ كۆمه‌ڵایه‌تی‌ تویته‌ر وێنه‌ی‌ ئه‌و نووسراوه‌ی‌ بڵاوكرده‌وه‌ كه‌ ئاراسته‌ی‌ تیدرۆس ئه‌هانۆم به‌ڕێوه‌به‌ری‌ گشتی‌ رێكخراوی‌ ته‌ندروستی‌ جیهانی‌ كردوه‌ و ده‌ڵێت:"ده‌بێت رێكخراوی‌ ته‌ندروستی‌ جیهانی‌ پابه‌ند‌بێت به‌ ئه‌نجامدانی‌ چاكسازیی‌ جه‌وهه‌ریی‌ گه‌وره‌ له‌ ماوه‌ی‌ 30 رۆژی‌ داهاتوودا".

تره‌مپ هه‌ڕه‌شه‌شی له‌ رێكخراوه‌كه‌ كردوه‌ و نوسیویه‌تی " ئه‌گه‌ر رێكخراه‌كه‌ پابه‌ند نه‌بێت، بلۆككردنی‌ كۆمه‌كی‌ كاتی‌ ویلایه‌ته‌ یه‌كگرتووه‌كان بۆ رێكخراوه‌كه‌ ده‌كه‌مه‌ هه‌میشه‌یی و چاو به‌ ئه‌ندامێتیمان له‌و رێكخراوه‌ ده‌خشێنمه‌وه‌".

ئه‌وه‌ش له‌كاتێكدایه‌ كه‌ له‌ ناوه‌ڕاستی‌ نیسانی‌ رابردوودا ئه‌مریكا به‌ شێوه‌یه‌كی‌ كاتی‌ كۆمه‌ك و هاوكارییه‌كانی‌ بۆ ئه‌و رێكخراوه‌ راگرت و تۆمه‌تباری‌ كرد به‌وه‌ی‌ لایه‌نگی‌ چین ده‌كات و چاوپۆشی‌ له‌ كه‌مته‌رخه‌مییه‌كانی‌ ئه‌و وڵاته‌ سه‌باره‌ت به‌ بڵاوبونه‌وه‌ی‌ ڤایرۆسی‌ كۆرۆنای‌ نوێ ده‌كات. 


AM:10:02:19/05/2020


ئه‌م بابه‌ته 2440 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت