ئهنجومهنی وهزارهتی دارایی كۆبووهوه و چهند بڕیارێكی دهركرد
وێستگه نیوزـ
ئەنجومەنی وەزارەتی دارایی و ئابوری چوارهم كۆبونهوهی بهشێوهی ئۆنلاین خۆی ساز كرد و چهند بڕیارێكی دهركرد، یهكێك لهوانه كاراكردنی سندوقی خانهنشینیی ههرێمی كوردستان و كردنهوهی ئهژمێرَێكی تایبهته بهو سندوقه.
ئەمڕۆ پێنجشەممە 9ی نیسانی 2020، وەزارەتی دارایی و ئابوری هەرێم بە شێوەی ئۆنلاین کۆبووەوە و لە کۆبوونەوەکەشدا لەبارەی راسپاردەکانی لیژنەی باڵای جێبەجێکردنی یاسای چاکسازی، وەزیری دارایی و ئابوری بڕیاریدا لەسەر:
1- کاراکردنی سندوقی خانەنشینی لە هەرێمی کوردستاندا و کردنەوەی ئەژمێرەیەکی تایبەتی بانکی بۆ ئەو سندوقە.
2- بەڕێوەبەرایەتی گشتی خانەنشینی راسپێردرا لەسەر ئامادەکردنی پەیکەری نوێی بەرێوەبەرایەتی گشتی خانەنشین، کە دەبێتە تاکە بەڕێوەبەرایەتی گشتی خانەنشینان لە هەرێمدا، بەشێوەیەک گشت خانەنشینانی (شارستانی، سەربازی، هێزەکانی ئاسایش و پۆلیسی ناوخۆ، یەکە رێکنەخراوەکانی هێزەکانی پێشمەرگە) لەخۆدەگرێت.
3- بەڕێوەبەرایەتی گشتی ژمێرکاری راسپارد بۆ هەماهەنگی لەگەڵ وەزارەتی پیشمەرگە، بۆ ئەوەی هەنگاوی پێویست بگرنە بەر بەمەبەستی یەکخستن و رێکخستنی یەکەکانی ژمێریاری هێزەکانی پێشمەرگەی کوردستان.
4- بڕیاردرا لەسەر پەیڕەوکردنی میکانیزمێکی گونجاو بۆ لابردنی ئاستەنگەکانی بەردەم کردنەوەی ئەژمێرەیەکی کەسی بۆ سەرجەم موچەخۆران.
5- ئامادەکردنی رێکارە یاسایی و کارگێرییەکان، بۆ وەرگرتنەوەی قەرزە بازرگانیەکان.
6- بڕیاردرا لەسەر هەماهەنگی تەواو لەنێوان لیژنەی باڵای وەزارەتی دارایی و ئابوری تایبەت بە جێبەجێکردنی یاسای چاکسازی لەگەڵ سەرجەم وەزارەتە پەیوەندیدارەکان لە پێناو جێبەجێکردنی خێرای یاساکەدا.
PM:05:58:09/04/2020
ئهم بابهته 3592
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت