بانكی رافیده‌ین: پاره‌ی ته‌واو له‌به‌رده‌سته‌ بۆ دابه‌شكردنی موچه‌ی فه‌رمانبه‌ران


وێستگه‌ نیوزـ

سه‌ره‌ڕای بڵاوبوونه‌وه‌ی ڤایرۆسی كۆرۆنا له‌ عیراق و راگرتنی گه‌شته‌ ئاسمانییه‌كان و جموجوڵی بازرگانی، بانكی رافیده‌ین ئاماده‌كاری بۆ دابه‌شكردنی موچه‌ی فه‌رمانبه‌ران ده‌كات.

بانكی‌ رافیده‌ین له‌ راگه‌یه‌ندراوێكدا وتی: بڕی‌ پێویست پاره‌یان له‌به‌رده‌سته‌ بۆ دابه‌شكردنی‌ موچه‌ی‌ فه‌رمانبه‌ران و شایسته‌ی‌ دارایی نووسینگه‌كان، ئاشكراشیكرد كه‌ پاره‌یه‌كی‌ زۆر بۆ لقه‌كانی‌ بانكه‌كه‌ له‌ به‌غدا و شاره‌كانی‌ تری‌ عیراق دابینكراوه‌ تا موچه‌ی‌ فه‌رمانبه‌ران دابه‌ش بكه‌ن.

بانكی‌ رافیده‌ین راشیگه‌یاند كه‌ له‌ڕێگه‌ی‌ كارتی‌ ئه‌لیكترۆنی‌ و به‌پێی‌ ئه‌و كاتانه‌ی‌ له‌لایه‌ن فه‌رمانگه‌كانه‌وه‌ دابه‌ش ده‌كرێت، موچه‌ی‌ فه‌رمانبه‌ران دابه‌ش ده‌كه‌ن.


AM:10:56:25/03/2020


ئه‌م بابه‌ته 5032 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت