قایمقامی كفری: سنوری شار فراوان دەكرێت و دەروازە دەگوێزرێتەوە


وێستگە نیوز- تانیا كفری
قایمقام و سەرۆکی شارەوانی کفری لەگەڵ ئەندازیاری پرۆژەی ڕێگای کفری - کلار کۆبوونەوە بەمەبەستی دروستکردنی دەروازەی شار و گواستنەوەی بۆ ماوەىیەكی دوور تر.

جەلال شێخ نوری قایمقامی قەزای كفری تایبەت بە وێستگە ئاشكرایكرد "1000 یەكەی نیشتەجێ بوونمان بۆ دەرچووە ، لە نزیكترین كاتدا دەستدەكرێت بە جێبەجێ كردنی، بەو هۆیە ناو شاری كفری گەورە دەبێت و دەروازەی شار دەگوێزرێتەوە بۆ ماوەیەكی دوورتر لە شار.

وتیشی: بڕیارە زاڵگەی ئاسایش و پۆلیسی هاتوچۆ ببرێنە دەرەوەی شار و لەوێ شوێنیان بۆ دروست بكرێت، دەروازەیەكی گەورە بۆ شار دورست دەكرێت.

پێشی وابوو كە ئەو كارە سیمایەکی جوان بە شارەکە دەبەخشێت سنوری شارەوانیش فراوان دەبێت.
 


PM:04:46:27/02/2020












ئه‌م بابه‌ته 3224 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت