سوپای پاسداران: گرێبەستی سەدە هیچ بەرهەمێکی نابێت
وێستگە نیوز-
سوپای پاسدارانی ئێران هەڵوێستی خۆی لەبارەی گرێبەستی سەدە ڕاگەیەند و دەڵێت " هیچ بەرهەمێکی نابێت".
یەدوڵا جەوانی، یاریدەدەری فەرماندەی سوپای پاسدارانی ئێران ڕایگەیاند، گرێبەستی سەدە سەرەتای وەرزێکی نوێی بەرگری فەڵەستینیەکانە.
جەوانی وتیشی، " کتێک سەیری ناوەڕۆکی گرێبەستی سەدە دەکەین تێدەگەین کە یەک لایەنەیە و لایەنی بەرامبەری تێدا نیە، گرێبەستی سەدە یەکێکی تر لە هەڵە ستراتیژیەکانی ترەمپ-ی گەمژەیە".
ئاماژەی بەوەش کردووە، گرێبەستی سەدە هیچ بەرهەمێکی نابێت، بەڵکو هێزی بەرگری فەڵەستینیەکان یەکدەخات و دەیباتە قۆناغێکی نوێوە بۆ ڕزگارکردنی قودس".
شەوی ڕابردوو به ئاماده‌بوونی بنیامین ناتانیاهۆ، سه‌رۆك وه‌زیرانی ئیسرائیل و نوێنەری سێ وڵاتی عەرەبی، دۆناڵد تره‌مپ، سه‌رۆكی ئه‌مریكا رێككه‌وتنی سه‌ده‌ی بۆ چاره‌سه‌ركردنی كێشه‌ی نێوان ئیسرائیل و فه‌له‌ستین راگه‌یاند و دووپاتیكرده‌وه كه قودس وه‌ك پایته‌ختی ئیسرائیل ده‌بێت.
هەروەها وتیشی، " ئەگەر فەڵەستین بەم رێککەوتنە ڕازی بێت ٥٠ ملیار دۆلار هاوکاریان دەکەین".
ش . ر
PM:02:29:29/01/2020
ئه‌م بابه‌ته 3252
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت