وێستگە نیوز-
میخایل بۆگدانۆڤ، جێگری وەزیری دەرەوەی ڕوسیا گەیشتە هەولێر .
ئەمڕۆ چوارشەممە ٢٩ ی ١ ی ٢٠٢٠ میخایل بۆگدانۆڤ، جێگری وەزیری دەرەوەی ڕوسیا بۆ کاروباری رۆژهەڵاتی ناوەڕاست و ئەفریقا گەیشتە فڕۆکەخانەی گەیشتە هەولێر و بەپێی ئەجێندای سەردانەکەی بڕیاروایە لەگەڵ هەریەک لە سەرۆکی هەرێم و سەرۆکی حکومەتی هەرێم و هاوکات لەگەڵ مەسعود بارزانیش کۆببێتەوە.
بەگوێرەی زانیارییەکان چەند تەوەرێک باسی گفتوگۆی نێوان جێگری وەزیری دەرەوەی ڕوسیا و بەرپرسانی باڵایئ هەرێم دەبێت.
یەکێک لە تەوەری گفتوگۆکان پرسی بازرگانی و هاوکات دەستپێکردنی گەشتی ڕاستەوخۆ لەنێوان مۆسکۆ و هەولێر دەبێت، هاوکات پرسی وزەش یەکێک لە تەوەرەکان دەبێت.
هەروەها پاراستنی دیپلۆماتکارانی روسیا لە عیراق و هەرێم تەوەرێکی دیکەی جێ بایەخی جێگری وەزیەری دەرەوەی روسیا دەبێت.
سەردانەکەی میخایل بۆگانۆڤ دوو رۆژ دەخایەنێت و بڕوایە سبەی کۆنگرەی رۆژنامەوانی لە هەولێر ببەستێت.
ش . ر
AM:11:58:29/01/2020