سەرۆك كۆماری عیراق و سەرۆک وەزیرانی ئەستۆنیا کۆبوونەوە
وێستگە نیوز-
بەرهەم ساڵح، سەرۆک کۆماری عیراق لە داڤۆس چاویکەوت بە سەرۆک وەزیرانی ئەستۆنیا یوری ڕاتاس.
لە میانی دیدارەکەدا باس لە بەرەو پێشبردنی پەیوەندییە دوو قۆڵییەکان و چۆنیەتی فراوانکردنی ئاسۆی هاریکاری نێوان هەردوو وڵات کرا، هاوکات بەرھەم ساڵح و سەرۆک وەزیرانی ئەستۆنیا گفتوگۆیشیان کرد لە بارەی ئەزمونی هەڵبژاردنەکانی ئەستۆنیا و چۆنیەتی سود وەرگرتنی عێراق لەو ئەزمونە.
هەر لە دیدارەکەدا باس لە بڕیاری ئەنجومەنی نوێنەرانی عێراق کرا سەبارەت بەکشانەوەی هێزە بیانییەکان و گرنگی ڕێزگرتن لە سەروەری وڵات و سەربەخۆیی بڕیاری سیاسی عێراق.
لە بەشێکی تری دیدارەکەدا ئاماژەکرا بەگرنگی هەماهەنگی و کاری هاوبەش بۆ ڕێگرتن لە تەشەنەکردنی ئاڵۆزییەکان لە سەر ئاستی ھەرێمایەتی و نێوەدەوڵەتی و بەهێزکردنی سەقامگیری و ئاسایش، بەجۆرێک ببێتە مایەی خۆشگوزەرانی و پێشکەوتنی گەلانی ناوچەکە و جیهان.
PM:04:34:24/01/2020
ئه‌م بابه‌ته 1812
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت