رەوتی سەدر کاتی ئەنجامدانی خۆپیشاندانی ملیۆنی ئاشکرا کرد
موقتەدا سەدر، رێبەری ڕەوتی سەدر
وێستگە نیوز-
کەسایەتیەکی نزیک لە موقتەدا سەدر، رێبەری ڕەوتی سەدر کاتی ئەنجامدانی خۆپیشاندانی ملیۆنی لە عیراق ئاشکرا کرد و حەوت ئامۆژگاریشی بۆ رۆژی خۆپیشاندان بڵاوکردەوە.
ساڵح محەمەد عیراقی، کەسایەتی سیاسی نزیک لە موقتەدا سەدر، رێبەری ڕەوتی سەدر کاتی ئەنجامدانی خۆپیشاندانی ملیۆنی ئاشکرا کرد و ڕایگەیاند، رۆژی هەینی داهاتوو ٢٤ ی ١ ی ٢٠٢٠ خۆپیشاندانی ملیۆنی بەڕێوەدەچێت.
خۆپیشاندانەکە وەک ئاماژەی پێکراوە، " بۆ ڕەتکردنەوەی بوونی هێزە بیانیەکانە لە عیراق".
ساڵح محەمەد عیراقی چەند ئامۆژگارییەکی بۆ بەشداربووانی خۆپیشاندانەکە خستووەتە ڕوو:
یەکەم: جگە لە ئاڵای عیراق هیچ ئاڵایەکی دیکە بەرزناکرێتەوە
دووەم: لەسەر هەموو خۆپیشاندەرێک پێویستە پابەندبێت بە ناسنامە عیراقیەکەی و رێگەنادرێت وێنەیەک بەرزبکاتەوە کە هەڵگری ناسنامەیەکی ئاینی یان حزبی یان سەربازی یان هەر ناوێکی تر بێت.
سێیەم: قەدەغەیە هەر وێنە و دروشمێکی حزبی و کەسی بەرزبکرێتەوە.
ش . ر
PM:01:52:15/01/2020
ئهم بابهته 3728
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت