له سه‌قز دوو کەس به تێزاب هێرشیان كرده سه‌ر كچ و دایكێك
وێستگە نیوز ـ
رێكخراوێكی مافی مرۆڤ رایگه‌یاند، لە یەکێک لە شەقامەکانی شاری سەقز دایکێک و کچەکەی لە لایەن کەسانێکی نزیک بنەماڵەی خۆیانەوە بە تیزاب هێرش کرایە سەریان و تۆمەتباری سەرەکی هێرشه‌كه‌ش دەستبەسەر کرا.
رێکخراوی مافی مرۆڤی هەنگاو بڵاویكرده‌وه: شەوی شەممە 14ی كانوونی یه‌كه‌می 2019، لە شەقامی سەعدی شاری سەقز، ژنێک لەگەڵ کچە تەمەن 28 ساڵەکەی لە لایەن دوو کەسەوە کە ماتۆریان پێ بوو، په‌لامار دران و تیزاوبیان بەسەردا پڕژێندرا.
ئاماژه‌ی به‌وه‌شداوه: ئەو دووژنە لە پشتەوە تیزاوبیان بسەردا پڕژێندراوە و دوای وەرگرتنی چارەسەریی پێویست چوونەتەوە ماڵی خۆیان و باری تەندروستییان جێگیرە.
حەمید رەزایی، فەرماندەی ئیتزامی شاری سەقز رایگەیاندووە، هۆکاری رووداوه‌كه کێشەی خێزانی بووە و یەکێک لە نزیکەکانیان کە تۆمەتباری سەرەکی بووە، لەوپەیەوەندییەدا دەستبەسەر کراوە.
هــ. ر
PM:05:53:15/12/2019
ئه‌م بابه‌ته 15020
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت