نوری مالیکی: پێویستە لە کاتی دەستوریدا کاندیدی سەرۆک وەزیران یەکلابکرێتەوە
نوری مالیکی، سەرۆکی هاوپەیمانێتی دەوڵەتی یاسا
وێستگە نیوز-
سەرۆکی هاوپەیمانێتی دەوڵەتی یاسا داوا دەکات کاندیدی سەرۆک وەزیرانی عیراق لەکاتی دەستوری خۆیدا یەکلابکرێتەوە.
بەپێی راگەیەندراوێکی نوسینگەی نوری مالیکی، سەرۆکی هاوپەیمانێتی دەوڵەتی یاسا، ئەمڕۆ یەکشەممە ١٥ ی کانونی یەکەمی ٢٠١٩ لەگەڵ برۆنۆ ئۆپیر، باڵیۆزی فەڕەنسا لە عیراق کۆبووەتەوەو دوا پێشهاتە سیاسی و ئەمنیەکانی عیراقیان تاوتوێ کردووە و لەسەر پەرەپێدانی پەیوەندیەکانی نێوان عیراق وفەڕەنساش کردووەتەوە.
لە راگەیەندراوی نوسینگەکەیدا هاتووە، " نوری ملیکی لە کۆبوونەوەکەدا ئاماژەی بە پێویستی پابەندبوون بە کاتی دەستوریەوە کردووە بۆ دیاریکردن و یەکلاکردنەوەی کاندیدی سەرۆک وەزیرانی عیراق"
مالیکی جەختی لەوەش کردووەتەوە پێویستە کاندیدەکە توانایی ئەوەی هەبێت بەربەستەکان تێپەڕێنێت و داواکاری خۆپیشاندەران جێبەجێ بکات.
ش . ر
PM:05:03:15/12/2019
ئه‌م بابه‌ته 2360
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت