مەزڵوم کۆبانێ پیرۆزبایی سەرکەوتن لە بۆریس جۆنسن دەکات
مەزڵوم کۆبانێ، فەرماندەی هێزەکانی سوریای دیموکرات (هەسەدە)
وێستگە نیوز-
مەزڵوم کۆبانێ، فەرماندەی هێزەکانی سوریای دیموکرات (هەسەدە) بەبۆنەی سەرکەوتنیەوە لە هەڵبژاردنە پەرلەمانیەکەی بریتانیا پیرۆزبایی لە بۆریس جۆنسن، سەرۆک وەزیرانی کرد و داواشی لێ کرد پستیوانی زیاتر لە کۆتاییهێنان بە داعش لە سوریا بکات.
لە تویتێکیدا ئەمڕۆ هەینی ١٣ ی کانونی یەکەمی ٢٠١٩، مەزڵوم کۆبانێ، فەرماندەی هێزەکانی سوریای دیموکرات (هەسەدە) نوسیویەتی، " بەڕێز سەرۆک وەزیران بۆریس جۆنسن، پیرۆزبایی ئەو سەرکەوتنە گەورەیەت لێ دەکەم ".
دەشڵێت، " پێکەوە پەیوەندیەکانمان لەگەڵ ئێوە بەرەوپێش دەبەین، گرنگە پێکەوە کاری هاوبەش لە سوریا ئەنجامبدەین بۆ کۆتاییهێنان بە داعش و پاراستنی دەستکەوتەکان و دۆزینەوەی چارەسەری دیموکراتی و تێکشکاندنی توندوتیژی و گەڕاندنەوەی سەقامگیری و ئەمن و ئاسایش بۆ پەنابەران".
پەیامەکەی کۆبانێ بۆ جۆنسن لەکاتێکدایە بەپێی ئەنجامی هەڵبژاردنە پەرلەمانیەکەی بریتانیا پارتی پارێزگارانی بریتانیا بە سەرۆکایەتی بۆریس جۆنسن زۆرینەی رەهای کورسیەکانی بەدەستهێنا و پارتی کاری ئۆپۆزسیۆنیش تووسی شکستیکی گەورە هات.
ش . ر
PM:11:05:13/12/2019
ئه‌م بابه‌ته 2336
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت