دانانی ته‌له‌فزیۆن له‌ دایه‌نگه‌كانی هه‌رێمدا قه‌ده‌غه‌ ده‌كرێت


وێستگه‌ نیوزـ

وەزارەتی‌ کاروکاروباری‌ کۆمەڵایەتیی هەرێمی کوردستان دانانی تەلەفزیۆن لە سەرجەم دایەنگە حکومی و ناحکومیەکاندا قەدەغە ده‌كات.

لەڕاگەیەندراوێکدا وەزارەتی‌ کاروکاروباری‌ کۆمەڵایەتیی هەرێم رایگه‌یاندوه‌ كه‌ مه‌به‌ست له‌ قه‌ده‌غه‌كردنی ته‌له‌فزیۆن له‌ دایه‌نگه‌كاندا، بۆ ئەنجامگەیاندنی کار و ڕۆڵی دایەنگەکانه‌ بەشێوازێکی ڕێکوپێک و لە بەرژەوەندی منداڵان.

ئاماژه‌ی به‌وه‌شداوه‌ كه‌ لەسەر ڕاسپاردەی کوێستان محەمەد، وەزیری کار و کاروباری کۆمەڵایەتی ئاگاداری گشت دایەنگا (حکومی و ناحکومییەکان) كراوه‌ته‌وه‌ کە دانانی تەلەفزیۆن لەناو دایەنگەکانیاندا بەهەموو شێوازێک قەدەغەیە."

پێشتر دایەنگا حکومی‌ و ناحکومییەکان سەرپشکبوون لە دانانی‌ تەلەفزیۆن بۆ منداڵان لە دایەنگەکانیاندا.


PM:08:06:06/12/2019


ئه‌م بابه‌ته 2356 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت