حزبەكان لەسەر مانەوەی عادل عەبدولمەهدی رێككەوتوون
وێستگە نیوز-
بە پێی رێككەوتنێك عادل عەبدولمەهدی لە پۆستەكەی وەك سەرۆكوەزیران دەمێنێتەوە و ژماریەك وەزارەت دەگۆڕدرێن كە چەند وەزیرێكی سیادی و كوردیشیان تێدایە.
سەرچاوەیەك بۆ وێستگە نیوز ئەو رێككەوتنەی ئاشكراكرد كە 12 حزبی عیراقی لەسەری رێككەوتوون، ئەو رێككەوتنەش پارتی و یەكێتی لە هەرێمی كوردستان تێدا بوون و ئیمزایان لەسەر كردووە.
ئەو 12 حزبە سەرجەمیان لەسەر مانەوەی عادل عەبدولمەهدی وەك سەرۆكی وەزیران كۆك بوون، هەروەها سەرۆكوەزیران سەرپشك كراوە بۆ گۆڕانكاری لە كابینەكەیدا و ئەنجامدانی چاكسازیەكان.
هەروەها ئەو لایەنانە لەسەر ئەوە رێككەوتوون كە 12 وەزارەت وەزیرەكانیان بگۆڕدرێن كە چەند وەزارەتێكی سیادیان تێدایە و بڕیارە وەزارەتەكانی دەرەوە و بەرگری و ناوخۆ بگۆڕێن، هەروەها دوو وەزیری كوردیش دەگۆڕدرێن.
سەرەڕای ئەو بڕیارە بەڵام خۆپیشاندانەكانی عیراق بەردەوامە و خۆپیشاندەران داوای هەمواری دەستور و حكومەتی كاتی و هەڵبژاردنی پێشوەخت دەكەن.
د.ح
AM:11:45:20/11/2019
ئهم بابهته 6564
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت