سه‌رۆك كۆماری عیراق گه‌یشته هه‌ولێری پایته‌ختی هه‌رێمی كوردستان و له فڕۆكه‌خانه له‌لایه‌ن سه‌رۆكی هه‌رێمی كوردستانه‌وه پێشوازیی لێكرا.
دوانیوه‌ڕۆی ئه‌مڕۆ سێشه‌ممه 17ی ئه‌یلولی 2019، د.بەرهەم ساڵح، سەرۆک کۆماری عیراق بە یاوەریی د. فوئاد حسێن، وه‌زیری دارایی و جێگیری سه‌رۆك وه‌زیرانی عیراق و خانمی یەکەمی عیراق گەیشتنە هەولێر و لەلایەن نێچیرڤان بارزانی، سەرۆکی هەرێمی کوردستان و شاندی یاوەری پێشوازییان لێکرا.
پێشتر سەفین دزەیی، بەرپرسی فەرمانگەی پەیوەندییەکانی دەرەوەی هەرێمی کوردستان سەبارەت بە سەردانی سەرۆک کۆماری عیراق و شاندەکەی یاوەری رایگەیاند "سەردانی سەرۆک کۆمار سەردانێکی ئاساییە و لەگەڵ نێچیرڤان بارزانی، سەرۆکی هەرێمی کوردستان و مه‌سرور بارزانی، سەرۆکی حکومەت کۆدەبێتەوە و پێشهاتەکانی ناوچەکە و عیراقیش گفتوگۆیان لەبارەوە دەکرێت.
هاوكات فارس عیسا، نوێنەری حکومەتی هەرێمی کوردستان لە بەغدا راگەیاندبوو: مەبەستی سەرەکی شاندەکە گفتوگۆ کردنە لەبارەی چارەسەرکردنی کێشە هەڵپەسێردراوەکانی نێوان هەولێر و بەغدا بە تایبەت نەوت، بودجە و ناوچە کێشەلەسەرەکان.
PM:05:29:17/09/2019