مه‌سرور بارزانی و قوباد تاڵه‌بانی له‌گه‌ڵ لیژنه‌ی كۆكردنه‌وه‌ی داهاته‌كان كۆبونه‌وه
وێستگه نیوزـ
سه‌رۆكی حكومه‌ت و جێگری سه‌رۆكی حكومه‌تی هه‌رێم، كۆبونه‌وه‌یه‌كیان له‌گه‌ڵ لیژنه‌ی كۆكردنه‌وه‌ی داهاته‌كان ساز كرد.
ئەمڕۆ دووشەممە 16ی ئه‌یلولی 2019، مه‌سرور بارزانی و قوباد تاڵه‌بانی، سه‌رۆك و جێگری سه‌رۆكی حكومه‌ت كۆبونه‌وه‌یكین له‌گه‌ڵ لیژنەی کۆکردنەوەی داهاتەکان ساز کرد.
له لاپه‌ڕه‌ی تایبه‌تیی خۆی له تۆڕی كۆمه‌ڵایه‌تیی فه‌یسبوك، مه‌سرور بارزانی، سه‌رۆكی حكومه‌تی هه‌رێم سه‌باره‌ت به كۆبونه‌وه‌كه راگیه‌یاندوه: "لە کۆبوونەوەیەکدا گفتوگۆمان لەبارەی کۆکردنەوەی داهاتەکان و رێکخستنەوەی باج و گومرگەکان و کاراکردنی سیستەمی بانکی لە هەرێمی کوردستان کرد."
راشیگه‌یاندوه كه له كۆبونه‌وه‌كه‌دا به‌پێویستیان زانیووه هاوسەنگی هەبێت لەنێوان داهات و خەرجییەکان بە شێوەیەک لە خزمەتی بەرژەوەندی گشتی و هاوڵاتیانی هەرێمی کوردستان بێت.
سه‌رۆكی حكومه‌ت ئاماژه‌ی به‌وه‌داوه كه دەبێت دادپەروەری لە خەرجکردنی داهات بۆ ناوچەکانی هەرێمی کوردستان هەبێت، کە کارو ئەرکی ئێمە بەرگریکردنە لە مافی هاوڵاتیانی هەرێمی کوردستان.
راشیگه‌یاندوه كه هەر لەو کۆبوونەوەیەدا ته‌ئكیدیان له‌سه‌ر دابینکردنی نەوتی سپی بۆ هاوڵاتیان بەر لە هاتنی وەرزی زستان كردووه‌ته‌وه.
PM:10:41:16/09/2019
ئه‌م بابه‌ته 1672
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت