پلەکانی گەرما نزم بوونەوەی بەرچاو بەخۆیانەوە دەبینن
وێستگه نیوز ـ
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان ره‌وشی كه‌شوهه‌واو پله‌كانی گه‌رمای بۆ ئه‌مڕۆ و سبه‌ینێ پێنجشه‌ممه 12ی ئه‌یلولی 2019، بڵاوكرده‌وه كه به‌م جۆره‌ی خواره‌وه‌ن.
به‌ڕێوه‌به‌رایه‌تی كه‌شناسی هه‌رێم رایگه‌یاند: ئه‌مڕۆ له شاره‌كانی هه‌رێم ئاسمان ساماڵ ده‌بێت.
ئاماژه‌شی به‌وه‌دا كه به‌رزترین پله‌كانی گه‌رما له هه‌ولێر 36، سلێمانی 34، دهۆك 35، كه‌ركوك 37 پله‌ی سه‌دی ده‌بێت.
كه‌شناسی هه‌رێم ئه‌وه‌شی خستووه‌ته‌ڕوو كه سبه‌ینێ پێنجشه‌ممه 12ی ئه‌یلولی 2019، له شاره‌كانی هه‌رێم ئاسمان ساماڵ ده‌بێت.
روونیشیكرده‌وه كه به‌رزترین پله‌كانی گه‌رما له هه‌ولێر 36، سلێمانی 33، دهۆك 35، كه‌ركوك 37 پله‌ی سه‌دی ده‌بێت.
AM:10:41:11/09/2019
ئه‌م بابه‌ته 1296
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت