خۆپێشاندانی سەرتاسەری لە عێراق ئەنجامدرا
وێستگە نیوز-
خۆپێشاندانی سەرتاسەری لە عێراق ئەنجامدرن و هاووڵاتیان داوای هەلی كار و دابینكردنی خزمەتگوزاری دەكەن.
ئێوارەی ئەمڕۆ هەینی خۆپێشاندانی سەرتاسەری لە ژمارەیەك
شاری عێراق بە سەركردایەتی رەوتی حیكمەی عەمار حەكیم دەستی پێكرد، هاووڵاتیانی ناڕازی
داوای هەلی كار و دابینكردنی خزمەتگوزاری لە حكوومەت دەكەن.
خۆپێشاندانەكە سەرەتا لە شاری نەجەف دەستی پێكرد، دواتر
شارەكانی بەغدا، كەربەلا، دیوانیە، میسان، ئەنبار، نەینەوا، بەسرە، واست و زیقاریشی
گرتەوە.
خۆپێشاندەران داوای خزمەتگوزاریە سەرەتاییەكانی وەكو ئاو
و كارەبا دەكەن، هەروەها داوای هەلی كار و دادپەوەری لە دامەزراندندا دەكەن.
خۆپێشاندەرانی ناڕازی شارەكانی عێراق كە لەلایەن كەناڵەكانی
ئۆپۆزسیۆنی حكوومەتی عێراقەوە دەگوازرێنەوە، بەیاننامەیەكی یەكگرتوویان بڵاوكردەوە
و تێیدا دووپات لەسەر بەردەوامبوونی خۆپێشاندانەكان دەكەنەوە، لە شێوەی ساڵی
رابردوو.
ئەوەش دوای ئەوە دێت کە رەوتی حیكمەی عەمار حەكیم چەند مانگێكە خۆی وەك ئۆپۆزسیۆنی
حكوومەتی عادل عەبدولمەهدی راگەیاندووە.
هــ. ب
PM:11:01:19/07/2019
ئهم بابهته 3120
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت