ناسنامه‌ی كارمه‌نده‌ كوژراوه‌كه‌ی كونسوڵخانه‌ی توركیا ئاشكرا كرا

‌

وێستگه‌ نیوز ـ
ئەو کارمەندەی کونسوڵخانەی تورکیا لە هەولێر کوژرا ناوی عوسمان کۆسە- یە و دانیشتوی شاری مێرسینی تورکیایە.

میدیاکانی تورکیا، بڵاویانکردووەتەوە، ئەو کارمەندەی کونسوڵخانەی تورکیا کە لە رووداوەکەی دوێنێی هەولێر کوژرا ناوی عوسمان کۆسەیە و تەمەنی 36 ساڵ بووە و خێزانداربووە و باوکی دوو منداڵ بووە.

میدیاکانی تورکیا ئاماژەیان بەوەکردووە، عوسمان کۆسە لەگەڵ خێزانەکەیدا لە شاری ئەنکەرەی پایتەختی تورکیا ژیاون و لە ئێستادا ئاڵای تورکیا لەسەر ماڵەکەی هەڵکراوە و خەڵکێکی زۆر کۆبوونەتەوە.

بەپێی قسەی کەسوکاری ناوبراو، تا ئێستا بڕیار نەدراوە لە کوێ بنێژرێت.

ئەمەش لە کاتێکدا، نیوەڕۆی دوێنێ لە رووداوێکی تەقەکردندا لە رێستورانتێکی شاری هەولێر کارمەندێکی کونسوڵخانەی تورکیا و هاوڵاتییەکی هەرێمی کوردستان کوژران و هاووڵاتییەکی دیکەش بریندار و دواتر ئەمشەو بەهۆی سەختی برینەکەیەوە گیانی لەدەستدا.

هــ. ر

AM:10:05:18/07/2019