دوو فڕۆكه‌ی جه‌نگیی ئه‌ڵمانیا یه‌كتریان تێكشكاند

‌یۆرۆ فایتەر-شوێنی کەوتنەخوارەوەکە

وێستگه‌ نیوزـ

دوو فڕۆكه‌ی جه‌نگیی ئه‌ڵمانیا له‌ناوچه‌یه‌كی باكوری ئه‌و وڵاته‌ به‌ریه‌ك كه‌وتن و فڕۆكه‌وانه‌كانیان رزگاریان بوو.

ئێزگه‌ی Ostseewelle ی ناوخۆیی ئه‌ڵمانیا بڵاویكرده‌وه‌ كه‌ هه‌ردوو فڕۆكه‌كه‌ له‌ جۆری یۆرۆفایته‌ر تایفۆن-ی جه‌نگین و چه‌ند چركه‌یه‌ك پێش به‌ریه‌ك كه‌وتنیان له‌سه‌ر ده‌ریاچه‌ی مۆریتز كه‌ 20 كیلۆمه‌تر له‌ به‌رلینی پایته‌خته‌وه‌ دووره‌، فڕۆكه‌وانه‌كانیان خۆیان فڕێداوه‌ و ه‌ په‌ڕه‌شوت رزگاریان بووه‌.

ئێزگه‌ی ناوبراو راشیگه‌یاندوه‌ كه‌ تائێستا به‌رپرسانی به‌رلین هۆكاری روداوه‌كه‌یان ئاشكرا نه‌كردوه‌.

فڕۆكه‌ی جه‌نگیی یۆرۆ فایته‌ر، فڕۆكه‌یه‌كی فره‌ ئامانجه‌ و له‌ نه‌وه‌ی چواره‌می هێزه‌ چه‌كداره‌كانی ئه‌ڵمانیا و به‌ریتانیا و ئیتالیا و ئیپسانیا و نه‌مسا به‌كارده‌هێنرێت.

ئه‌و فڕۆكانه‌ له‌لای عه‌ره‌بستانی سعودی و عومانیش هه‌یه‌ و له‌ ساڵی 2003ه‌وه‌ له‌ سه‌رجه‌م پرۆسه‌ سه‌ربازییه‌كانی په‌یمانی ناتۆدا به‌كارده‌هێنرێت.


PM:04:53:24/06/2019


ئه‌م بابه‌ته 4820 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو