لە رووداوێکی هاتوچۆدا له‌ ئاكرێ دوو کەس گیانیان لەدەستدا

‌دیمەنێک لە رووداوەکە

وێستگه‌ نیوز ـ
لە قەزای ئاکرێ و لە رووداوێکی هاتوچۆدا، دوو کەس گیانیان لەدەستدا و سێ کەسی دیکەش برینداربوون، برینی هەر سێ بریندارەکەش قورسە.


رێکەفت زوهێر، لێپرسراوی هۆبەی راگەیاندنی هاتوچۆی ئاکرێ له‌ لێدوانێكی رۆژنامه‌وانیدا راگەیاند: ئێوارەی ئەمڕۆ چوارشەممە 12ی حوزه‌یرانی 2019، لەسەر رێگای نێوان ناحیەی قەسرۆک - ئاکرێ و لە نزیک گوندی خەلیکان، ئۆتۆمبێلێکی پیکاب تۆیۆتا وەرگەڕاوە و، بەهۆیەوە دوو کەس گیانیان لەدەستداوە.

هه‌روه‌ك سێ كه‌سی دیكه‌ش كه‌له‌ ئۆتۆمبێله‌كه‌دابوون برینداربوون كه‌ برینی برینداره‌كان قوورسه‌ و ئۆتۆمبێله‌كانیش زیانی مادی زۆریان به‌ركه‌وتووه‌.

لە ئێستادا بەهۆی خراپیی رێگاوبانەکان و پابەندنەبوونی شۆفێران بە رێنماییەکانی هاتوچۆوە، زۆربەی گیانلەدەستدانەکان لە هەرێمی کوردستان بەهۆی رووداوی هاتوچۆوەیە.

هــ. ر


PM:09:35:12/06/2019






ئه‌م بابه‌ته 660 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو