وه‌زاره‌تی دارایی دابه‌شكردنی مووچه ده‌ستپێده‌كاته‌وه
وێستگه نیوز ـ
بڕیاره دوای پشووه‌كانی رۆژانی جه‌ژنی ره‌مه‌زانی پیرۆز، وه‌زاره‌تی دارایی و ئابووری حكومه‌تی هه‌رێمی كوردستان ده‌ست به دابه‌شكردنی مووچه‌ی مانگی سێی فه‌رمانبه‌ران بكاته‌وه.
سەرچاوەیەکی ئاگادار لە وەزارەتی دارایی و ئابوری حكومه‌تی هه‌رێمی كوردستان به وێستگه نیوزی راگه‌یاند: "دوای پشووەکانی جەژنی ره‌مه‌زانی پیرۆز و لە هەفتەی ئایندەدا دابەشکردنی مووچە دەستپێدەکاتەوە و مووچەی چەند وەزارەتێک دابەشدەکرێت".
وتیشی: "هەفتەی داهاتوو مووچەی وەزارەتەکانی دارایی و تەندروستی و وەزارەتی شەهیدان و ئەنفالکراوان و چەند وەزارەتێکی دیکە دابەشدەکرێت".
ئه‌مه له‌كاتێكدایه كه پێش هاتنی جه‌ژن وه‌زاره‌تی دارایی ته‌نیا مووچه‌ی وه‌زاره‌ته‌كانی پێشمه‌رگه و په‌روه‌رده‌ی دابه‌شكرد.
هــ. ر
PM:01:19:05/06/2019
ئه‌م بابه‌ته 29444
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت