وەزیری دەرەوەی عیراق: پشتگیری لە سزاکانی ئەمریکا بۆسەر ئێران ناکەین
وێستگە نیوز-
وەزیری
دەرەوەی عیراق رایدەگەێنێت "وڵاتەکەی دژی ئەو سزایانەیە کە ئەمریکا بەسەر
ئێران سەپاندویەتی.
ئەمڕۆ
یەکشەممە محەممەد جەواد زەریف وەزیری دەرەوەی ئێران لەگەڵ محەممەد عەلی حەکیم
هاوتا عیراقییەکەی کۆبووە و دوای کۆبونەوەکەش کۆنگرەیەکی رۆژنامەوانیان ئەنجامدا.
محەممەد عەلی حەکیم وەزیری دەرەوەی عیراق رایگەیاند "ئامادەین
نیوەنگیری لەنێوان ئەمریکا و ئێران بکەین و کێشەکانیان بەرەو چارەسەر ببەین چونکە
پێکدادانی ئەو دو وڵاتە و زیاتر ئاڵۆز بونی پەیوەندییەکانیان لە سودی هیچ لایەنێک
نییە".
محەممەد عەلی حەکیم ئاماژەی بەوەدا "پێویستە جەنگ لەناوچەکە بەدور
بێت لە جەنگ و پێکدادان و پێکەوە ناوچەکە بەرەو سەقامگیری و ئارامی ببەین".
وەزیری دەرەوەی عیراق ئەوەشی وت "گەمارۆکانی سەر ئێران سود بەخش
نین بۆ هیچ لاینەیێک و ئێمە وەکو عیراق دژی گەمارۆکانی سەر ئێران دەوەستینەوە و
هاوکاری ئەمریکا ناکەین".
وەزیری دەرەوەی عیراق وتیشی "ئێمە پشتیوانی کۆماری ئیسلامی ئێران
دەکەین".
هاوکات محەممەد جەواد زەریف وەزیری دەرەوەی ئیران رایگەیاند "باشترین
پەیوەندیمان لەگەڵ وڵاتانی کەنداو هەیە و هیچ
کێشەیەکمان نابێت".
محەممەد جەواد زەریف ئاماژەی بەوەداوە "رێککەوتەکانی نێوان عیراق
و ئێران جێبەجی دەکەین و هاوکاری یەکتر دەکەین".
هــ. ب
AM:11:56:26/05/2019
ئهم بابهته 668
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت