داعش سووتانی دەغڵودانی جوتیارانی کوردی گرتە ئەستۆ
وێستگە نیوز-
لە ڕۆژانی ڕابردوودا چەندین زەوی و زاری
جوتیاران و دەغڵودانەکانیان لە عێراق و سوریا ئاگریان تێبەردراوە و زیانێکی زۆریان
پێگەیشتووە و داعش بە فەرمی ئەو کارەی لە ئەستۆ گرت.
ئەمڕۆ پێگەی فەرمی چەکدارانی داعش لە تۆڕی کۆمەڵایەتی تویتەر لە ڕاگەیەندراوێکدا ئاگر بەردان لە دەغڵودانی جوتیارانی کورد لە کەرکوک و خانەقین لە عێراق و هەروەها دەغڵودانی جوتیارانی رەقە و تەبقە لە رۆژهەڵاتی سوریا گرتووەتە ئەستۆ
و بە تۆڵەکردنەوە ناویهێناوە.
پێگەی دەوڵەتی ئیسلامی لە تویتەر ئاماژەی بەوەداوە "کێڵگەکانی گەنم و جۆ لە
پارێزگاکانی کەرکوک، نەینەوا، دیالە و سەلاحەدین لە عێراق و پارێزگای حەسەکە لە
سوریا لەلایەن ئەوانەوە سوتێندراوە".
ئەوەش دوای ئەوە دێت کە لە چەند رۆژی رابردودا سەدان کم چوارگۆشە لە سنوری پارێزگاکانی کەرکوک و دیالە گەنم و دەغڵودانی جوتیاران سوتێنراوە.
بەپێی زانیارییەکان "جوتیارانی کورد لە سنوری گوندەکانی پەلکانە و دەوروبەری و گوندەکانی خانەقین زۆر زیانی پێگەشتووە و نزیکەی ٤٠٠ تۆن گەنم ودەغڵودانی ئەو جوتیارانە سوتاوە".
هــ. ب
PM:05:02:25/05/2019
ئه‌م بابه‌ته 2160
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت