بوومەلەرزەیەک سنوورەکانی کرماشان و خانەقینی هەژاند


وێستگە نیوز-

پێشنیوەڕۆی ئەمڕۆ دووشەممە بوومەلەرزیەکی بە گوڕی 4.3 بە پلەی ڕیشتەر سنووری شاری "قەسرشیرین"ی لە پارێزگای کرماشان و هاوکات قەزای خانەقینی لە باشووری کوردستان هەژاندووە.


ناوەندی بوومەلەرزەزانیی ئێران بڵاویان کردووەتەوە "کاتژمێر 11:04 خولەکی ئەمڕۆ دووشەممە 2019.4.15 بە کاتی ئێران، لە 12 کیلۆمەتریی شاری قەسرشیرین و 14 کیلۆمەتریی سەرپێڵ‌زەهاو لە پارێزگای کرماشان ڕووی داوە".



بوومەلەرزەکە لە قووڵایی 13 کیلۆمەتریی زەوی بووە و هاوکات لە قەزای خانەقینیش لە باشووری کوردستان هەستی پێکراوە.

هــ. ب 


 


AM:11:54:15/04/2019


ئه‌م بابه‌ته 824 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت