22 كیلۆ پلاستك له‌ گه‌ده‌ی نه‌هه‌نگێكدا دۆزرایه‌وه‌

‌نەهەنگە مرداربوەکە

وێستگه‌ نیوزـ

شه‌پۆله‌كانی ده‌ریا نه‌هه‌نگێك مرداره‌وه‌بویان فڕیدایه‌ كه‌ناراوه‌كانی ناوچه‌ی ساردینیا-ی ئیتالیا و دوای پشكنین ده‌ركه‌وت كه‌ 22 كلیۆ پلاستیكی فڕێدراو له‌ گه‌ده‌یدا بووه‌.

لوكا بیتاو، به‌ڕێوه‌به‌ری گروپی ده‌ریاوانیی SeaMe group به‌ تۆڕی هه‌واڵی سی ئێن ئێن-ی راگه‌یاندوه‌: له‌ گه‌ده‌ی ئه‌و نه‌هه‌نگه‌دا كیسی نایلۆن و تۆڕی راوه‌ماسی و ده‌به‌ی ئاوی خواردنه‌وه‌ ده‌به‌ی رۆنی ئۆتۆمبیلی تێدا بووه‌ كه‌ ده‌به‌كان ناوی كۆمپانیاكه‌ و باڕكۆده‌كانیشی له‌سه‌ر ماوه‌.

به‌رپرسی گروپی ناوبراو ئاشكراشیكردوه‌ كه‌ نه‌هه‌نگه‌كه‌ پێشئه‌وه‌ی بگاته‌ كه‌ناراوه‌كان دوگیان بووه‌، به‌ڵام پێش گه‌یشتنی به‌چكه‌كه‌ی له‌بارچووه‌ ، نه‌هه‌نگه‌كه‌ زیاترله‌ 7 مه‌تر درێژه‌ و دوای توێكاریش له‌لایه‌ن پزیشكانی ڤێترنه‌ری، هۆكاری سه‌ره‌كیی مرداربونه‌وه‌كه‌ی ئاشكرا ده‌كرێت.


PM:07:01:01/04/2019








ئه‌م بابه‌ته 1296 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو