له‌ناو فڕۆكه‌خانه‌یه‌كی توركیا ته‌قه‌ رویدا

‌ئۆتۆمبیلی فریاکەوتن لەبەردەم فڕۆکەخانەی قەیسەریە

وێستگه‌ نیوزـ

میدیاكانی توركیا بڵاویانكرده‌وه‌ كه‌ له‌ فڕۆكه‌خانه‌ی شاری قه‌یسەریه‌-ی ناوه‌ڕاستی ئه‌و وڵاته‌ ده‌نگی ته‌قه‌ بیستراوه‌ و وه‌ك ئاماره‌ سه‌ره‌تاییه‌كانیش باس له‌ برینداربونی دوو كه‌س کراوە.

رۆژنامه‌ی حوڕیه‌ت-ی چاپی توركیا بڵاویكرده‌وه‌، دوو كه‌سه‌ برینداره‌كه‌ بۆ نه‌خۆشخانه‌ گواستراونه‌ته‌وه‌ و وێنه‌ی ئۆتۆمبیلی فریاكه‌وتنیش له‌ به‌رده‌م فڕۆكه‌خانه‌ی شاری قه‌یسه‌ری بینراوه‌.

هاوكات كه‌ناڵی NTV ی توركیا ئاشكرایكردوه‌ كه‌ روداوی ته‌قه‌كردنه‌كه‌ به‌هۆی ده‌مه‌بۆڵه‌ی نێوان دوو پۆلیسه‌وه‌ رویداوه‌ و دواتر شه‌ڕه‌كه‌یان په‌ره‌ی سه‌ندوه‌ و گه‌یشتوه‌ته‌ ته‌قه‌كردن له‌یه‌ك.

كه‌ناڵه‌كه‌ ئاشكراشیكردوه‌ كه‌ دوو پۆلیسه‌كه‌ له‌ به‌شی گه‌شته‌ ناوخۆییه‌كانی فڕۆكه‌خانه‌ی شاری قه‌یسه‌ریە رویداوه‌ و هه‌ریه‌ك له‌ پۆلیسه‌كان ئه‌وی دیكه‌ی برینداركردوه‌.


PM:05:16:26/03/2019


ئه‌م بابه‌ته 3860 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو