حه‌وت وه‌زیری عیراق مه‌ترسی دوورخستنه‌وه‌یان له سه‌ره
عادل عەبدولمەهدی کاتی راگەیاندنی کابینەکەی
وێستگه نیوز ـ
بە وتەی پەرلەمانتارێکی عیراق، حەوت وەزیری حكومەتی ئێستای عیراق رێوشوێنەكانی هەردوو دەستەی ریشەكێشكردن و دەستپاكی دەیانگرێتەوە و ئەگەری زۆرە لە دوای تەواوكردنی كابینەی حكومەت پەرلەمان ئەو وەزیرانە دوور بخاتەوە.
عەلی بدێری، په‌رله‌مانتاری عیراق رایگه‌یاند: حەوت وەزیر لە كابینەی حكومەتەكەی عادل عەبدولمەهدی سەرۆك وەزیرانی عێراق بەر لە تەواوكردنی ساڵێك لە تەمەنی كابینەكە، ئەوان لادەدرێن، چونكە بەشێكیان لە دۆسیەی گەندەڵی تێوەگلاون و بەشێكی تریان رێوشوێنەكانی ریشەكێشكردن دەیانگرێتەوە.
وتیشی: "لیژنەكانی پەرلەمان واژوویان بۆ لادانی ئەو وەزیرانە كۆ كردووەتەوە، بەڵام پێشكەشی دەستەی سەرۆكایەتی پەرلەمانیان نەكردووە بەهۆی تەواو نەبوونی كابینەی حكومەت تا ئێستا، هەروەک بەشێك لە وەزیرەكانی حكومەت گرێبەست و رێككەوتننامەیان واژوو كردووە كە گومانی گەندەڵی لێ دەكرێت.
ئەو پەرلەمانتارە ئەوەشی دووپاتكردەوە: پەرلەمان زۆر دۆسیەی بەدەستەوەیە و لە كۆتایی دووەم وەرزی یاسادانان دەخرێنەروو، ئەو دۆسیانە بۆ عادل عەبدولمەهدی سەرۆك وەزیران و ئەنجومەنی باڵای نەهێشتنی گەندڵی رەوانە كراون.
هــ. ر
PM:09:44:16/03/2019
ئه‌م بابه‌ته 2668
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت