نەتانیاهۆ هێرشێکی توند دەکاتە سەر ئەردۆغان
وێستگەنیوز-
سەرۆک وەزیرانی ئیسرائیل
ڕایدەگەێنێت "ئەردۆغان و سوپاکەی کورد جینۆساید دەکەن".
ئەمڕۆ پێنجشەممە
بنیامین نەتانیاهو سەرۆک وەزیری ئیسرائیل وەڵامی لێدوانەکانی ڕەجەب تەیب ئەردۆغانی
سەرۆکی تورکیای دایەوە و هێرشێکی توندی کردەوە سەری ئەویش بەهۆی ئەوەی کە ئیسرائیلی
بە پـێشێلکردنی مافی فەڵەستینیـیەکان تاوانبارکردووە.
بنیامین نەتانیاهۆ
لەهەژماری تایبەتی خۆی لە تۆڕی کۆمەڵایەتی تویتەر نوسیویەتی " ئەردۆغان دیکتاتۆرێکە
کە دەیان هەزار کەسی بەهۆی نەیار بونیان بە سیاسەتی خۆی ڕەوانەی زیندان کردوە".
نەتانیاهۆ
ئاماژەی بەوەداوە "ئەردۆغان تاوانی جینۆساید لە دژی کوردەکان ئەنجام دەدات و
باکوری قوبرسی داگیرکردووە، ئێستاش هاتووە وانەی دیموکراسی و ئەخلاقیاتی شەڕ دەدات
بە من و ئیسرائیل و هێزەکانی بەرگری ئیسرائیل، جێی پـێکەنینە."
ئەوەش دوای
ئەوە دێت کە ڕەجەب تەیب ئەردۆغان شەوی چوارشەممە لە وتارێکیدا لە ئەنقەرە سەرۆک
وەزیری ئیسرائیلی تاوانبارکرد بەوەی هەزاران ژن و منداڵی و بە تەمەنی فەڵەستینی
زیندانیکردووە.
PM:04:45:14/03/2019
ئهم بابهته 4884
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت