تره‌مپ:راگه‌یه‌ندراوێكی گرنگ له‌باره‌ی داعش بڵاوده‌كه‌ینه‌وه‌

‌ دۆناڵد تره‌مپ، سه‌رۆكی ئه‌مریكا

وێستگه‌ نیوزـ

سه‌رۆكی ئه‌مریكا باسی له‌ بنیادنانی دیواری جیاكه‌ره‌وه‌ی نێوان وڵاته‌كه‌ی و مه‌كسیك كرد و سه‌باره‌ت به‌ سوریاش رایگه‌یاند كه‌ له‌ماوه‌ی 24 كاتژمێری داهاتوودا راگه‌یه‌ندراوێكی گرنگ سه‌باره‌ت به‌ سوریا و داعش بڵاوده‌كاته‌وه‌.

له‌ وتاری هه‌فتانه‌ی خۆیدا كه‌ ئه‌مڕۆ هه‌ینی 15ی شوباتی 2019 له‌ به‌رده‌م كۆشكی سپی پێشكه‌شیكرد، دۆناڵد تره‌مپ، سه‌رۆكی ئه‌مریكا رایگه‌یاند: زۆر له‌ راگه‌یاندنی ئه‌رێنیمان سه‌باره‌ت به‌ سوریا پێیه‌.

سه‌رۆكی ئه‌مریكا وتیشی: سه‌ركه‌وتوبون له‌ ریشه‌كێشكردنی خه‌لافه‌تی داعش و له‌ماوه‌ی 24 كاتژمێری داهاتوودا ئه‌و سه‌ركه‌وتنه‌ راده‌گه‌یه‌نین.

سه‌باره‌ت به‌ بنیادنانی دیواری جیاكه‌ره‌وه‌ی نێوان مه‌كسیك و ئه‌مریكاش، تره‌مپ وتی: راگه‌یاندنی "باری نائاسایی نیشتمانی" بۆ بنیادنانی ئه‌و دیواره‌ هه‌نگاوێكی گرنگه‌ بۆ ته‌واوكردنی پڕۆژه‌ی بنیادنانی دیواره‌كه‌ و دواجار ده‌توانرێت رێگری له‌ كۆچی نایاسایی و هاتنه‌ناوه‌وه‌ی مادده‌ی هۆشبه‌ر بۆ ئه‌مریكا ده‌گرێت.

راشیگه‌یاند: روبه‌ڕوی قه‌یرانی ئه‌منی له‌سه‌ر سنوره‌كانی باشوری وڵات ده‌بینه‌وه‌، ئه‌وه‌ش وه‌ك هه‌وڵێك بۆ رێگریكردن له‌ تاوانباران و مادده‌ی هۆشبه‌ر بۆ وڵات.


PM:06:57:15/02/2019


ئه‌م بابه‌ته 1936 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو