مووچه‌ی دوو وەزارەت و کەمئەندامان دابەش دەکرێت


وێستگه‌ نیوز ـ هه‌ستیار
وه‌زاره‌تی دارایی و ئابووری حكومه‌تی هه‌رێمی كوردستان به‌رده‌وامه‌ له‌ دابه‌شكردنی مووچه‌ی فه‌رمانبه‌ران و ئه‌مڕۆ مووچه‌ی دوو وه‌زاره‌ت و توێژێك دابه‌ش ده‌كرێت.


سەرچاوەیەکی ئاگادار لە وەزارەتی دارایی و ئابووری حكومه‌تی هه‌رێمی كوردستان به‌ وێستگه‌ نیوزی راگه‌یاند: ئه‌مڕۆ پێنجشه‌ممه‌ 14ی شوباتی 2019، مووچه‌ی وه‌زاره‌تی داد و وه‌زاره‌تی كاروباری كۆمه‌ڵایه‌تی دابه‌شده‌كرێت.

هاوكات سامان حسێن، سكرتێری كه‌مئه‌ندامانی كوردستان دوێنێ به‌ وێستگه‌ نیوزی راگه‌یاندبوو: له‌ وه‌زاره‌تی داراییه‌وه‌ ئاگادار كراونه‌ته‌وه‌ كه‌ رۆژی پێنجشه‌ممه‌ 14ی شوباتی 2019، مووچه‌ی كه‌مئه‌ندامان دابه‌شده‌كرێت.

وه‌زاره‌تی دارایی و ئابووری حكومه‌تی هه‌رێمی كوردستان به‌رده‌وام ده‌بێت له‌ دابه‌شكردنی مووچه‌ی فه‌رمانبه‌ران و وه‌زاره‌ته‌كانی حكومه‌ت، به‌ڵام مووچه‌خۆران له‌ چاوه‌ڕوانی ئه‌وه‌دان پاشه‌كه‌وته‌كه‌یان له‌سه‌ر هه‌ڵبگیرێت.



AM:09:33:14/02/2019


ئه‌م بابه‌ته 3720 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو