قوباد تاڵەبانی: گەشبینین بەوەی قۆناغە سەختەكان لە هەرێم تێپەرێندراوە
قوباد تاڵەبانی.. لە کۆڕبەندی ئابووری نێوان هەرێم و ئێران لە سلێمانی
وێستگه نیوز ـ
كۆڕبهندی ئابووری نێوان ههرێمی كوردستان و كۆماری ئیسلامی ئێران له شاری سلێمانی دهستیپێكرد و قوباد تاڵهبانی، جێگری سهرۆك وهزیرانی ههرێم رایگهیاند، "گەشبینین بەوەی لە ئێستادا قۆناغی سەختەكان لە هەرێم تێپەرێندراوە".
بە ئامادەبوونی جەواد زەریف، وەزیری دەرەوەی ئێران و قوباد تاڵەبانی، جێگری سەرۆک وەزیرانی هەرێم کۆڕبەندی ئابووری نێوان حکومەتی هەرێمی کوردستان و کۆماری ئیسلامی ئێران بەڕێوەدەچێت.
قوباد تاڵهبانی، جێگری سەرۆكی حكومەتی هەرێم، لەمیانەی بەشداریكردنی لە كۆڕبەندی ئابووری نێوان كۆماری ئیسلامی و هەرێمی كوردستان، كە دوانیوهڕۆی ئهمڕۆ سێشهممه 15ی كانوونی دووهمی 2019، لەسلێمانی بە ئامادەبوونی وەزیری دەرەوەی ئێران و وەزیری دارایی هەرێم و ژمارەیەك لە بەرپرسان و بازرگانانی هەرێم بەڕێوەچوو، وتی: "پێشتر لەگەڵ كۆماری ئیسلامی، شەڕی رووبەڕووبونەوەی تێرۆرمان كردووەو ئەو وڵاتە لەرۆژە سەختەكاندا پشتیوانی هەرێمی كوردستان بووە".
قوباد تاڵهبانی وتیشی: "ئێستاش ئێمە بەهەموو شێوەیەك پشتیوانی كۆمپانیا بیانی و ناوخۆییەكان دەكەین كە لە هەرێمی كوردستان كار دەكەن و هەوڵدەدرێت شایستەی دارایی ئەو كۆمپانیا ئێرانی و بیانیانە خەرجبكرێت، كە لەهەرێمی كوردستاندا كار دەكەن".
قوباد تاڵەبانی راشیگەیاند: "پێشتر قەیرانی دارایی و شەڕی داعش فشاری زیاتری خستبووەسەر حكومەتی هەرێم، بەڵام ئێمە گەشبینین و لەئێستادا قۆناغە سەختەكانمان تێپەڕاندووە".
محەمەد جەواز زەریف، وهزیری دهرهوهی ئێران، ئهمڕۆ سێشهممه 15ی
كانوونی دووهمی 2019، به سهردانێك گهیشته شاری بهغدا و دواتر
گهیشته ههرێمی كوردستان.
له سهردانهكهیدا بۆ ههولێر لهگهڵ
نێچیرڤان بارزانی، سهرۆك وهزیرانی ههرێم و
مهسرور بارزانی،
راوێژكاری ئهنجومهنی ئاسایشی ههرێمی كوردستان و كاندید بۆ پۆستی
سهرۆكی حكومهتی نوێی ههرێمی كوردستان له لایهن پارتیهوه كۆبووهوه.
دواتر به یاوهری قوباد تاڵهبانی، جێگری سهرۆك وهزیرانی ههرێم
گهیشته شاری سلێمانی و له هۆتێل شاری جوان، كۆڕبهندێكی ئابووری له
نێوان كۆماری ئیسلامی ئێران و حكومهتی ههرێمی كوردستان سازكرا.
له كۆڕبهندهكهدا ههریهكه له قوباد تاڵەبانی،
جێگری سهرۆك وهزیرانی ههرێم و
محهمهد جهواد زهریف، وهزیری
دهرهوهی ئێران و رێباز حهملان، وهزیری دارایی و ئابووری ههرێم
وتاریان پێشكهش كرد.
وەزیری دەرەوەی ئێران لە هەولێر رایگەیاند: "هیچ لایەنێک ناتوانێت سنور بۆ پەیوەندییە بازرگانیەکانی نێوان ئێران و هەرێم دابنێت".
PM:04:24:15/01/2019
ئهم بابهته 1916
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت