‌یەکێتی زانایانی کوردستان لەبارەی بەرنامەیەکی ئێن ئاڕ تیەوە هاتەدەنگ

وێستگە نیوز-

یەکێتی زانایانی ئاینیی ئیسلامیی کوردستان لەبارەی بەرنامەی بێ سنوری ئێن ئاڕ تیەوە ڕایگەیاند ئەو جۆرە بەرنامانە دەبنە فاکتەری پشێووی کۆمەڵایەتی و ناڕەزایەتی یەکێتیەکە لەو بەرنامەیە خراوەتەڕوو.

یەکێتی زانایانی ئاینیی ئیسلامیی کوردستان لە رونکردنەوەیەکدا ئەوەی خستوەتەڕوو " شه‌وی رابردوو 5/12/2018 له‌ به‌رنامه‌ی بێ‌ سنوری كه‌ناڵی ئێن ئاڕ تی به‌رنامه‌یه‌ك سه‌باره‌ت به‌ پرسی ئایین ‌و كرانه‌وه‌ی به‌پێی سه‌رده‌مه‌ جیاوازه‌كان پێشكه‌ش كرا".

لە راگەیەنراوەکدا هاتووە "ئه‌و جۆره‌ به‌رنامانه‌ نه‌ك خزمه‌ت به‌ كۆمه‌ڵگه‌ ناگه‌یێنن، به‌ڵكو ده‌بنه‌ فاكته‌ری پشێوی كۆمه‌ڵایه‌تی ‌و برینداركردنی هه‌ستی دینداری خه‌ڵكی كوردستان".

یەکێتی زانایانی ئاینیی ئاماژەی بەوەشکردووە "نیگه‌رانی ‌و ناڕه‌زایی خۆمان له‌ باره‌ی ئه‌و جۆره‌ شێوازو ئاراسته‌‌ و به‌رنامه‌یه‌ ده‌رده‌بڕین ‌و دووپاتی ده‌كه‌ینه‌وه‌ كه‌ گرنگه‌ هه‌موو لایه‌ك له‌ چوارچێوه‌ی هه‌ستی به‌رپرسیارێتی ‌و تایبه‌تمه‌ندی كۆمه‌ڵگه‌ خزمه‌ت به‌ دۆخی ئێستا‌و كوردستان بكه‌ین".


ب.ع


PM:08:58:06/12/2018


ئه‌م بابه‌ته 7292 جار خوێنراوه‌ته‌وه‌‌