عەبدولڕەزاق شەریف: لە کۆنفرانسی نیشتیمانیدا ڕێکخەر ناگۆڕین
عەبدولڕەزاق شەریف
وێستگە نیوز-
ئەندامێکی جڤاتی نیشتیمانیی بزوتنەوەی گۆڕان رایگەیاند دەستیانکردووە
بە ئامادەکاری بۆ کۆنفرانسی ناوخۆیی و جەختیشیکردەوە لە کۆنفرانسەکەدا کەسی یەکەمی
بزوتنەوەکە ناگۆڕدرێت.
عەبدولڕەزاق شەریف ئەندامی جڤاتی نیشتیمانیی بزوتنەوەی گۆڕان بە
ئاژانسی ئەنادۆڵی تورکیی ڕاگەیاندووە "كۆنفرانسی نیشتمانی ئەركی
پێداچوونەوەیە بە كاروباری چوار ساڵی رابردوو لە ئەدا و بەرنامەی سیاسی گۆڕان و
كاری رێكخراوەیی و بەرنامە و پڕۆژە دانان بۆ چوار ساڵی ئایندە، ئەركێكی تری پێداچوونەوەیە
بە دەستووری بزووتنەوەی گۆڕان ئەگەر بە پراكتیك كێشە و كەموكوڕییەك هەبووبێت لە
دەستوورەكەدا گفتوگۆی لەسەر دەكرێت بۆ هەمواركردنەوەی".
ناوبراو ڕونیکردووەتەوە "ئێستا ژووری هەڵبژاردن لەناو گۆڕان
ئامادەكارییەكانیان بۆ ئەو كۆنفرانسە دەستپێكردووە و ماوەی دوو مانگیان دەوێت بۆ
ئامادەكارییەكان".
لەبارەی
گۆڕینی کەسی یەکەمی بزوتنەوەکە ئەو ئەندامەی جڤاتی نیشتیمانیی ئەوەی خستوەتەڕوو
"گۆڕینی كەسی یەكەم و خانەی راپەڕاندن و سەركردایەتی گۆڕان لەم كۆنفرانسەدا
ناكرێت و ئەو گۆڕانكارییانە لە كۆنفرانسە ناوخۆییەكاندا دەكرێت كە هەر شارێك
نوێنەری خۆی بۆ جڤاتی نیشتمانی هەڵدەبژێرێت".
ئەوە لە کاتێدایە بزوتنەوەی گۆڕان نیوەی کورسیەکانی پەرلەمانی
لەدەستداوە و زۆرێک لە هەڵسوڕاوانی بزوتنەوەکە داوای ئەنجامدانی گۆڕانکاری دەکەن
و بۆ ئەو مەبەستەش چەند پڕۆژەیەکیان ئامادەکردووە.
ب.ع
PM:03:59:06/12/2018
ئهم بابهته 1288
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت