بڕیاردەری کۆمسیۆن: ئەم هەفتەیەش ئەنجامەکان ڕاناگەیەنین
وێستگە نیوز-
بڕیاردەری کۆمسیۆن ڕایگەیاند تا ئێستا
سکاڵاکان یەکلایی نەکراونەتەوە و چاوەروان ناکرێت لەم هەفتەیەدا ئەنجامەکان
ڕابگیەنرێن.
ئیسماعیل خورماڵی بڕیاردەری ئەنجومەنی
کۆمسیارانی کۆمسیۆنی باڵای سەربەخۆی هەڵبژاردن و ڕاپرسی بە وێستگە نیوزی ڕاگەیاند
"تا ئێستا ئەنجومەنی کۆمسیاران سەرقاڵی یەکلاییکردنەوەی سکاڵاکانە و هیچ
ئەنجامێک لەبەردەستا نییە".
بریاردەرەی کۆمسیۆن وتیشی "هاوکات بەشی
داتای کۆمسیۆن سەرقاڵی داخڵکردنی داتاکانن و هێشتا کارەکانیان تەواونەبوون".
ئیسماعیل خورماڵی ئاشکراشیکرد "چاوەڕوان
ناکرێت لەم هەفتەیەشدا بتوانین ئەنجامەکان ڕابگەیەنین بەهۆی یەکلایی نەبونەوەی
سکاڵاکانەوە".
٣٠ی مانگی ئەیلول هەڵبژاردنی پەرلەمانی کوردستان بەڕێوەچوو و چەند لایەنێکی سیاسیش بانگەشەی ئەوەیان کرد کە ساختتەکاری
ئەنجامدراوە و تا ئێستاش تەنها ئەنجامە بەراییەکان ڕاگەیەنراون و ڕوون نییە کەی
ئەنجامی کۆتایی ڕادەگەیەنرێت.
PM:04:41:13/10/2018
ئهم بابهته 3512
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت