بەگوێرەی ماڵپەڕی فەرمیی سەرۆکایەتی هەرێم مەسعود بارزانی تا ئێستاش سەرۆکە
وێستگە نیوز-
ماڵپەڕی فەرمی سەرۆکایەتی هەرێم تا ئێستا
هیچ ئاماژەیەکی بەوە نەکردووە کە مەسعود بارزانی لە پۆستی سەرۆکی هەرێمدا نەماوە و
ناوبراو وەک سەرۆکی هەرێم دەناسێنێت.
ماڵپەڕی فەرمیی سەرۆکایەتی هەرێم کە
تایبەتە بە بڵاوکردنەوەی هەواڵ و چالاکیەکانی سەرۆکایەتی هەرێم، تا ئێستا مەسعود
بارزانی وەک سەرۆکی هەرێم دەناسێنێت، ئەوە لە کاتێکدایە نزیکەی ساڵێکە ناوبراو لەو
پۆستەدا نەماوە و دەسەڵاتەکانی دابەشکراون بەسەر دامەزراوەکانی تردا.
دوا هەواڵ کە ماڵپەڕەکە دایناوە بریتیە لە
وەڵامی پەرلەمان بۆ نامەکەی بارزانی کە داوایکردبوو دەسەڵاتەکانی دابەشبکرێت بەسەر
دامەزراوەکانی تردا و بەو شێوەیەش نزیکەی ساڵێکە ئەو ماڵپەڕە هیچ هەواڵ و
چالاکیەکی تێدا بڵاونەکراوەتەوە، بەڵام داشنەخراوە.
لەو بەشەی ماڵپەرەکە کە تایبەتە بە
ناساندنی سەرۆکی هەرێم، ناو و پرۆفایلی مەسعود بارزانی دانراوە و هیچ ئاماژەیەک
بەوە نەکراوە کە ناوبراو ئێستا پۆستەکەی جێهێشتووە.
مەسعود بارزانی دوای ئەنجامدانی ڕیفراندۆم
و هێرشی سوپای عێراق و حەشدی شەعبی بۆ سەر ناوچە جێناکۆکەکان نامەیەکی ئاراستەی
پەرلەمانی کوردستان کرد و داوای کردبوو دەسەڵاتەکانی دابەشبکرێن بەسەر
دامەزراوەکانی تری وەکو ئەنجومەنی وەزیران و پەرلەمان، دواتریش پەرلەمان نامەکەی
بارزانی پەسەندکرد و لە مانگی حەوتی ئەمساڵیشدا پڕۆژە یاسایەکی فراکسیۆنی گۆڕانی
پەسەندکرد کە تایبەتبوو بە هەڵپەساردنی سەرۆکایەتی هەرێم.
PM:06:40:12/10/2018
ئهم بابهته 13300
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت